ۇبت-نى الماستىراتىن حالىقارالىق تەست دايىندالىپ جاتىر

قازاقستاندا ءبىرىڭعاي ۇلتتىق تەستىلەۋدىڭ جاڭا حالىقارالىق فورماتى پايدا بولۋى مۇمكىن.

بۇل تۋرالى عىلىم جانە جوعارى ءبىلىم ءمينيسترى ساياسات نۇربەك A مالىمدەدى، - دەپ حابارلايدى aqshamnews.kz.

ءمينيستردىڭ ايتۋىنشا، جاڭا تەست قازاقستاندىق تۇلەكتەرگە الەمنىڭ كەز كەلگەن جوعارى وقۋ ورنىنا، سونداي-اق شەتەلدىك ۋنيۆەرسيتەتتەردىڭ قازاقستانداعى فيليالدارىنا تۇسۋگە مۇمكىندىك بەرەدى. جوبا ازىرگە دايىندىق كەزەڭىندە، ال ونى تولىق ەنگىزۋ 2027 جىلدان ەرتە باستالمايدى.

ساياسات نۇربەك قازىرگى ۇبت-نىڭ كەيبىر حالىقارالىق ۋنيۆەرسيتەتتەر تاراپىنان سەنىمسىزدىكپەن قابىلداناتىنىن اتاپ ءوتتى. سوندىقتان جاھاندىق ستاندارتتارعا ساي، الەمدىك ۋنيۆەرسيتەتتەر مويىندايتىن تەست قاجەت.

«بۇل جاڭا تەست جوعارى وقۋ ورنىنا ءتۇسۋ ءۇشىن امبەباپ، حالىقارالىق دەڭگەيدە مويىندالاتىن فورماتتا بولۋى ءتيىس. ونى ازىرلەۋگە كەمىندە تاعى ءبىر جىل قاجەت. 2027 جىلدان باستاپ ىسكە اسادى دەپ جوسپارلاپ وتىرمىز»، – دەدى مينيستر.

جاڭا فورماتتى جاساۋعا قازاقستان ماماندارى Educational Testing Service (ETS) ۇيىمىندا وقۋدان وتەدى. بۇل — SAT، TOEFL سەكىلدى حالىقارالىق تەستتەردىڭ اۆتورى.

ال ءداستۇرلى ۇبت قاجەتتىلىك جويىلعانعا دەيىن وتكىزىلە بەرەدى. ءمينيستردىڭ ايتۋىنشا، بولاشاقتا تالاپكەرلەر حالىقارالىق تەستتى جاپپاي قولدانا باستاسا، ۇبت-عا دەگەن سۇرانىس بىرتىندەپ ازايۋى مۇمكىن.