الماتى قالاسى بويىنشا قاج دەپارتامەنتىنىڭ №11 مەكەمەسىندە «زامانعا ساي جاسstar!» دەگەن تاقىرىپپەن كۆن ءوتتى. كوڭىلدى تاپقىرلار الاڭىنا الماتى يندۋستريا جانە قوناقجاي تۋريزم كوللەدجىنىڭ «كەتتىك، ءبارىن تاستا!» كومانداسى، الماتى تەحنولوگيا جانە فلوريستيكا كوللەدجىنىڭ «اكتيۆى»، الماتى ديزاين جانە مودا كوللەدجىنىڭ «اكميس» توبى، №11 مەكەمەسىنىڭ «جاستارى» قاتىستى.
ولار «سالەمدەسۋ»، «بەس جانالىق»، «ءۇي تاپسىرماسى» كەزەڭدەرى بويىنشا سايىسقا ءتۇستى. جاستاردىڭ سەرگەكتىگى، ءبىلىمى، ازىلكەشتىگى، سول ارقىلى تاقىرىپتاردى اشا ءبىلۋى قۋانتتى ءبىزدى.
– تۇزەۋ كولونياسىندا جازاسىن وتەپ جاتقان جاسوسپىرىمدەرگە مۇنداي ءىس-شارالار اۋاداي قاجەت. ولار باس بوستاندىعىنان ايىرىلىپ، جابىق مەكەمەدە وتىرعاندىقتان سىرتقى بايلانىستىڭ ورنىن وسىنداي ءتۇرلى تانىمدىق، رۋحاني، مادەني كەشتەرمەن تولتىرادى. سول ارقىلى قوعامداعى جاعدايلاردان دا حاباردار بولىپ وتىرادى، ءبىلىمىن شىڭدايدى. ءبىزدىڭ مەكەمەگە كەلىپ ونەر كورسەتكەن جاستارعا جانە وزىمىزدە تاربيەلەنىپ جاتقان جەتكىنشەكتەرگە العىرلىعى، ومىرگە قۇشتارلىعى ءۇشىن العىس ايتامىن، – دەدى مەكەمە باستىعى ادىلەت پولكوۆنيگى المات سۇلەيمەنوۆ.
كوڭىلدىلەر مەن تاپقىرلاردىڭ جارىسى وتە تارىستى دا قىزىقتى ءوتتى. ناتيجەسىندە 1-ورىندى №11 مەكەمەسىنىڭ «جاستار» كومانداسى يەلەندى. 2-ورىندى الماتى تەحنولوگيا جانە فلوريستيكا كوللەدجىنىڭ «اكتيۆى» كومانداسى السا، 3-ورىن الماتى ديزاين جانە مودا كوللەدجىنىڭ «اكميسى» مەن الماتى يندۋستريا جانە قوناقجاي تۋريزم كوللەدجىنىڭ «كەتتىك، ءبارىن تاستا!» كومانداسىنا يە بۇيىردى.