كوللەكسيالىق مونەتالار قۇب ينتەرنەت-دۇكەنى ارقىلى ساتىلادى.
ۇلتتىق بانك "قازاقستاننىڭ مەشىتتەرى مەن شىركەۋلەرى" سەرياسىنان Astana qalasynyn bas meshiti جانە "سيقىرلى نىشاندار" سەرياسىنان Fatima qoly كوللەكسيالىق مونەتالارىن اينالىسقا شىعارادى، دەپ حابارلايدى aqshamnews.kz
Astana qalasynyn bas meshiti مونەتاسى 2024 جىلعى 25 قاراشادان باستاپ، ال Fatima qoly 28 قاراشادا اينالىسقا شىعادى.
Astana qalasynyn bas meshiti مونەتاسى "قازاقستاننىڭ مەشىتتەرى مەن شىركەۋلەرى" سەرياسىن جالعاستىرادى. مونەتا 2022 جىلى ەسىگىن ايقارا اشقان استانا قالاسىنىڭ ورتالىق مەشىتىنە ارنالعان. بۇل مەشىت – قازاقستان مەن ورتالىق ازياداعى ەڭ ءىرى مەشىت. مونەتانىڭ ديزاينىندا استانا قالاسىنىڭ ورتالىق مەشىتىنىڭ ايشىقتالعان بەينەسى جانە مۇسىلمانشا سالەمدەسۋدى بىلدىرەتىن اراب تىلىندەگى جازۋ بار.
مونەتالار 925 سىنامدى كۇمىستەن دايىندالعان. ماسساسى – 31،1 گرامم، ديامەترى – 38،61 مم، نومينالى – 1000 تەڭگە، تارالىمى – 1000 (ءبىر مىڭ) دانا.
Fatima qoly (فاتيما قولى) مونەتاسى – "سيقىرلى نىشاندار" سەرياسىنىڭ التىنشى مونەتاسى. مونەتانىڭ ديزاينىندا ءارتۇرلى ەلدىڭ مادەنيەتىندە بەلگىلى اشىق الاقان تۇرىندەگى قورعانىش تۇمارىنىڭ ورنەكتەلىپ ايشىقتالعان بەينەسى بەرىلگەن.
مونەتالار ەمال جاعۋ جانە التىن جالاتۋ تەحنولوگياسىن قولدانۋ ارقىلى 925 سىنامدى كۇمىستەن دايىندالعان. ماسساسى – 31،1 گرامم، ديامەترى – 38،61 مم، دايىنداۋ ساپاسى – antique silver، نومينالى – 1000 تەڭگە، تارالىمى – 3000 (ءۇش مىڭ) دانا.
"كوللەكسيالىق مونەتالار قازاقستان رەسپۋبليكاسىنىڭ بۇكىل اۋماعىندا وزدەرىنىڭ بەلگىلەنگەن قۇنىنا ساي تولەمدەردىڭ بارلىق ءتۇرى بويىنشا قابىلداۋعا، سونداي-اق ەلدىڭ بارلىق بانكىندە بانك شوتتارىنا ەسەپكە الۋعا، اۋدارۋعا، ۇساقتاۋعا جانە ايىرباستاۋعا جاتادى"، - دەپ حابارلادى ۇلتتىق بانك.