بۇل باعىتتاعى ءادىس تيىمدىرەك قانا ەمەس، سونىمەن بىرگە، ەكولوگيالىق جاعىنان تازا، ياعني، قورشاعان ورتاعا زيانسىز.
بۇل تەحنولوگيا ءوز كەزەگىندە جاڭارتىلاتىن ەنەرگيا كوزدەرىنە كوشۋگە كوپ كومەكتەسەدى، دەپ حابارلايدى Almaty-akshamy.kz.
قىتايدىڭ بىلىكتى ماماندارى تۇزدى كولدەردەن ءليتييدى جىلدام الۋعا بولاتىن مەمبرانا ويلاپ تاپتى. جۇڭگو عىلىم اكادەمياسىنىڭ مالىمەتىنشە، تەحنولوگيا كومىرتەگى ءنيتريدى نەگىزىندە جاسالعان. ماتەريال سۇزگى ءتۇرى رەتىندە پايدالانىلادى. جاڭا مەمبرانا كومىرتەگى نيتريدىنەن، ياعني، كريستالدىق جانە امورفتى تۇردەگى كومىرتەك پەن ازوت قوسىلىسىنان تۇرادى. بۇل «تور» ديامەترى 0،3 نم بولاتىن كەۋەكتەردى تۇزەدى، ول قاجەتسىز تۇرلەردى بۇعاتتاۋ كەزىندە يونداردىڭ وتۋىنە مۇمكىندىك بەرەدى.
سونداي-اق، مەمبرانا قۇرامىندا جوعارى ماگنيى بار ءليتيدى جيناۋعا مۇمكىندىك بەرەدى. عالىمدار قۇرىلىمنىڭ ديزاينى ليتيي يوندارىنىڭ ءبىرقالىپتى قوزعالىسىن جەڭىلدەتەتىنىن اتاپ ءوتتى. بۇل تەحنولوگيانى جاساۋ كەزىندە عالىمدار بيولوگيالىق يوندىق ارنالارعا ارقا سۇيەدى، ياعني، يميتاسيالادى. ليۋ جيان ەسىمدى سينداو بيوەنەرگيا جانە بيوپروسەسس تەحنولوگياسى ينستيتۋتىنىڭ پروفەسسورى اتاپ وتكەندەي، ليتيي جاڭعىرتپالى ەنەرگيانى دامىتۋعا مۇمكىندىك بەرەتىن نەگىزگى ەلەمەنتتەردىڭ بىرىنەن سانالادى.
اتاپ ايتقاندا، قازىرگى تاڭدا ەلەكترمەن جۇرەتىن كولىكتەردىڭ كەڭىنەن قولدانىسقا ەنۋىنە بايلانىستى سۇرانىس ارتۋدا. عالىمداردىڭ جۇمىسى تابيعاتتاعى زاتتى ءتيىمدى الۋ جولىنداعى قادام بولدى. سونىمەن قاتار، جاڭا مەمبرانا ليتيي ءوندىرۋدىڭ قورشاعان ورتاعا تەرىس اسەرىن بارىنشا ازايتادى