الماتى قالاسىنىڭ تۇركسىب اۋدانىنداعى №11 ءورت ءسوندىرۋ بولىمىندە ءدىني ەكسترەميزم مەن تەرروريزمنىڭ الدىن الۋعا باعىتتالعان ءاقپاراتتىق-تۇسىندىرۋ ءىس-شاراسى ۇيىمداستىرىلدى.
جيىن ساياحات ساۋدا ورتالىعىندا ءوتىپ، راديومۇنارا ارقىلى كوپشىلىككە تاراتىلدى، دەپ حابارلايدى aqshamnews.kz.
شارانىڭ ماقساتى – مەملەكەتتىك قۇرىلىم قىزمەتكەرلەرىنىڭ ءدىني جانە قۇقىقتىق ساۋاتتىلىعىن ارتتىرۋ ارقىلى قوعامداعى تۇراقتىلىقتى ساقتاۋ. ءدارىستى الماتى قالاسىنىڭ ءاقپاراتتىق-تۇسىندىرۋ توبىنىڭ مۇشەسى، ءدىنتانۋ ماگيسترى ءمادينا سەرىك قىزى ءالىمعوجينوۆا جۇرگىزدى.
مامان ءوز سوزىندە ق ر كونستيتۋسياسى مەن ءدىن سالاسىنا قاتىستى زاڭناما نورمالارىنا توقتالىپ، ءدىني سەنىم بوستاندىعى مەن ءدىني ەكسترەميزمنىڭ ايىرماشىلىعىن ءتۇسىندىردى. ول دەسترۋكتيۆتى اعىمداردىڭ ارەكەت ەتۋ جولدارىن ناقتى مىسالدارمەن كورسەتىپ، راديكالدى يدەيالاردىڭ ادامداردىڭ قۇقىقتىق جانە رۋحاني السىزدىگىن پايدالاناتىنىن اتاپ ءوتتى.
ءدارىس بارىسىندا قاتىسۋشىلارعا ەكسترەميستىك ۇيىمداردىڭ الداۋ تاسىلدەرى مەن ولاردان ساقتانۋ جولدارى جايلى بەينەماتەريال كورسەتىلدى. سونىمەن قاتار، ءدىنتانۋشى تەرىس ءدىني مازمۇنداعى اقپاراتتاردى تەك رەسمي دەرەككوزدەردەن الۋعا كەڭەس بەرىپ، سەنىمگە سەلكەۋ تۇسىرەتىن توپتارمەن بايلانىس ورناتپاۋ كەرەكتىگىن ەسكەرتتى.
ءىس-شارا سوڭىندا قاتىسۋشىلار ءدارىستىڭ وزەكتىلىگىن اتاپ ءوتىپ، ونداعى مالىمەتتەردىڭ كاسىبي قىزمەتكە دە، جەكە ساناعا دا وڭ ىقپال ەتەتىنىن جەتكىزدى. ءورت ءسوندىرۋ سالاسىندا قوعامدىق قاۋىپسىزدىك پەن ىشكى تۇراقتىلىقتى ساقتاۋ باستى مىندەتتەردىڭ ءبىرى بولىپ تابىلادى.
اتالعان ءىس-شارا – ءدىني ەكسترەميزم مەن تەرروريزمنىڭ الدىن الۋ باعىتىندا جۇرگىزىلىپ جاتقان جۇيەلى جۇمىستىڭ ءبىر بولىگى. مەملەكەتتىك قىزمەتكەرلەردىڭ ءدىني جانە قۇقىقتىق ساۋاتتىلىعىن ارتتىرۋ – راديكالدى يدەولوگيالارعا قارسى تۇرا الاتىن قوعامدىق يممۋنيتەتتى قالىپتاستىرۋدىڭ ماڭىزدى قادامى.