تۇركىستان وبلىسىنىڭ جەتىساي اۋدانى، العاباس اۋىلىندا بولعان الاپات ورتتەن زارداپ شەككەن ەكى ناۋقاس اۋرۋحانادان شىعارىلدى. ولارعا ءقازىر امبۋلاتوريالىق ەم تاعايىندالعان. بۇل تۋرالى دەنساۋلىق ساقتاۋ مينيسترلىگى مەديسينالىق كومەكتى ۇيىمداستىرۋ دەپارتامەنتىنىڭ ديرەكتورى گۇلنار سارسەنبايەۆا مالىمدەدى، - دەپ حابارلايدى aqshamnews.kz ءتيىلشىسى.
سارسەنبايەۆانىڭ ايتۋىنشا، ورتتەن امان قالعان 1986 جىلعى ەر ادام مەن 1990 جىلعى ايەلدىڭ جاعدايى جاقسارىپ، 30 قاراشادا ستاسيوناردان شىعارىلعان."تۇركىستان وبلىسىندا ورتتەن زارداپ شەككەن ەكى ادامنىڭ قازىرگى جاعدايى قاناعاتتانارلىق. 30 قاراشادا ولار اۋرۋحانادان شىعارىلىپ، امبۋلاتوريالىق ەمگە جىبەرىلدى"، – دەدى ول ءماجىلىس كۋلۋارىندا.
دەنساۋلىق ساقتاۋ مينيسترلىگىنىڭ وكىلى بۇل ەكى پاسيەنت شىمكەنت قالالىق اۋرۋحاناسىنان شىققاننان كەيىن جاعدايىن ءارى قاراي باقىلاۋ ءۇشىن جەتىساي اۋداندىق اۋرۋحاناسىنا قايتا جاتقىزىلعانىن ايتتى.
اۋرۋحانادان شىققان 1986 جىلعى ەر ادام وسى قايعىلى وقيعادان ءۇش كۇن بۇرىن كوز جۇمعان جەتى جاسار قىزدىڭ اكەسى ەكەنى بەلگىلى بولدى.
2018 جىلعى قىز بالا كوز جۇمدىورتتەن امان قالعان 2018 جىلى تۋعان ءبۇلدىرشىننىڭ جاراقاتى وتە اۋىر بولعان.
12 ادامنىڭ ءومىرىن قيعان ءورت"وكىنىشكە قاراي، 2018 جىلعى قىز بالا 30 قاراشادا العان جاراقاتىنىڭ اۋىرلىعىنا بايلانىستى قايتىس بولدى. مارقۇمنىڭ تۋعان-تۋىستارىنا قايعىرا كوڭىل ايتامىز"، – دەدى گۇلنار سارسەنبايەۆا.
ەسكە سالايىق، 18 قاراشادا ساعات 05:36-دا تۇركىستان وبلىسى جەتىساي اۋدانى العاباس اۋىلىندا ەكى قاباتتى جەر ءۇي ورتكە ورانعان. وقىس وقيعا سالدارىنان 12 ادام، ونىڭ ىشىندە توعىز بالا قازا تاپتى.
ءورت كەزىندە ءۇش ادام اۋرۋحاناعا جەتكىزىلگەن ەدى. الايدا ەم-دومعا قاراماستان، كەيىن 2018 جىلعى قىز بالا اۋرۋحانادا جان تاپسىردى.
قىلمىستىق ءىس قوزعالدىتۇركىستان وبلىسىنىڭ پوليسيا دەپارتامەنتى ءورت قاۋىپسىزدىگى تالاپتارىن ساقتاماۋ دەرەگى بويىنشا قىلمىستىق ءىس قوزعاعان. ءقازىر ءورتتىڭ ناقتى سەبەبى مەن جاۋاپتى تۇلعالار انىقتالىپ جاتىر.