استانادا پوليسيا قىزمەتكەرلەرى بەسىنشى قاباتتاعى بالكوننىڭ تەرەزەسىنەن سەكىرەيىن دەپ تۇرعان ايەلدى قۇتقارىپ قالدى، - دەپ حابارلايدى aqshamnews.kz ءتىلشىسى.
پوليسيا دەپارتامەنتىنىڭ مالىمەتىنشە، تاڭەرتەڭ "102" نومىرىنە قالاداعى تۇرعىن ءۇي كەشەندەرىنىڭ بىرىندە ايەلدىڭ بەسىنشى قاباتتاعى تەرەزە كارنيزىندە تۇرعانى جانە تومەن قۇلاپ كەتۋى مۇمكىن ەكەنى تۋرالى حابارلاما تۇسكەن. وقيعا ورنىنا بىردەن پاترۋلدىك پوليسيا ەكيپاجى جەتتى.
پاتەر ەسىگىن اشقان ءتارتىپ ساقشىلارى تەرەزە شەتىندە تۇرعان 27 جاستاعى ايەل ادامدى كوردى.
ءقاۋىپ دەڭگەيىن باعامداعاننان كەيىن پوليسەيدىڭ ءبىرى ايەلمەن سويلەسىپ، ونىڭ كۇيزەلىسىن ازايتۋعا تىرىسىپ باقتى. ونىڭ نازارىن باسقا جاققا اۋدارعان ساتتە پاترۋل قىزمەتكەرى تەرەزەدەن تارتىپ شىعارىپ الدى، وسىلايشا ءقاۋىپتى جاعدايدىڭ الدىن الدى.
"ءقازىر وعان پسيحولوگتار كومەكتەسىپ جاتىر، وقيعانىڭ ءمان-جايى انىقتالىپ جاتىر" – دەپ حابارلادى پوليسيا.