تۇركىستان وبلىسى ماقتاارال اۋدانىنىڭ پوليسياسىنا جەرگىلىكتى تۇرعىننان ونىڭ بۇرىنعى جۇبايى قارۋمەن كەلىپ، بالالارىنىڭ كوزىنشە جانجال شىعارعانى تۋرالى حابارلاما كەلىپ ءتۇستى، - دەپ حابارلايدى aqshamnews.kz ءتىلشىسى.
پوليسيا كەلگەن ۋاقىتتا مىلتىق ۇستاعان ەر ادام جۇگىرىپ شىعىپ، كورشى ءۇيدىڭ اۋلاسىنداعى سارايعا تىعىلدى. زاڭسىز ارەكەتتەر مەن باسقالارعا ءقاۋىپ توندىرمەۋ ءۇشىن اۋماق تولىعىمەن قورشاۋعا الىندى.
"پوليسيا قىزمەتكەرلەرىنىڭ زاڭسىز ارەكەتتەردى توقتاتۋ تۋرالى زاڭدى تالاپتارىنا قاراماستان، ەر ازامات باعىنۋدان باس تارتىپ پوليسەيلەردىڭ ءبىرىن جاراقاتتاپ، وق جاۋدىردى. شابۋىلعا تويتارىس بەرۋ جانە ومىرگە ءقاۋىپ توندىرەتىن ارەكەتتەردىڭ جولىن كەسۋ ءۇشىن پوليسەيلەر اۋاعا ەسكەرتۋ وقتارىن اتتى. الايدا قۇقىقبۇزۋشى ەسكەرتۋلەرگە توقتاماعاننان كەيىن، زاڭناماعا سايكەس تابەلدىك قارۋ قولدانىلدى. قۇقىقبۇزۋشى العان جاراقاتىنان وقيعا ورنىندا قايتىس بولدى"، - دەلىنگەن تۇركىستان وبلىسى پوليسيا دەپارتامەنتى تاراتقان رەسمي اقپاراتتا.
تەكسەرۋ بارىسىندا تىركەلمەگەن شولاق مىلتىق، پاتروندار مەن گيلزالار تاركىلەندى. بۇل دەرەك بويىنشا قىلمىستىق ءىس قوزعالدى.
ءقازىر بولعان وقيعانىڭ بارلىق ءمان-جايىن انىقتاۋ ءۇشىن قاجەت جەدەل-تەرگەۋ ءىس-شارالارى جۇرگىزىلىپ جاتىر. تەرگەۋ بارىسى پوليسيا دەپارتامەنتى باسشىلىعىنىڭ باقىلاۋىندا.
تەرگەۋ مۇددەسىندەگى وزگە دە اقپاراتتار ق ر قپك-نىڭ 201-بابىنا سايكەس جاريا ەتىلمەيدى.
بۇدان بۇرىن تۇركىستان قالاسىندا 500 ورىندىق تەرگەۋ يزولياتورى سالىناتىنى تۋرالى جازعان ەدىك.