تۇركياعا جۇمىس ىستەۋگە باراتىن قازاقستاندىقتارعا جەڭىلدىك جاسالادى، دەپ حابارلايدى aqshamnews.kz
بۇل جەڭىلدىك تۇركىتىلدەس ەلدەردىڭ ازاماتتارىنا دا قاتىستى.
تۇركيانىڭ تۇركىتىلدەس شەتەلدىكتەردىڭ جۇمىس ىستەۋ ءتارتىبى تۋرالى زاڭىنا وزگەرىستەر ەنگىزىلدى. ەندى باۋىرلاس ەلدەردەن بارعان ازاماتتار جۇمىس ىستەۋگە رۇقسات الۋ ءۇشىن بۇرىنعىداي كوپ قۇجات جينامايدى.
سونىمەن قاتار جەكەمەنشىك ەمەس مەملەكەتتىك سەكتوردا دا جۇمىس ىستەۋگە رۇقسات بەرىلەدى. ول ءۇشىن جۇمىس ىستەۋگە بارعان ادامدا ءوزىنىڭ تۇركىتىلدەس ەلدىڭ ازاماتى ەكەنىن انىقتايتىن كۋالىك پەن تۇركيادا ۋاقىتشا تۇرۋعا مۇمكىندىك بەرەتىن جەكە كۋالىگى بولۋى قاجەت.
بۇدان بولەك ءبىلىمى مەن ماماندىعىن راستايتىن قۇجاتتار دا تالاپ ەتىلەدى.