الماتى قالاسى “اۋىل” پارتياسىنىڭ وڭىرلىك فيليالى، “يننوۆاسيا. تۇراقتىلىق. بولاشاق” تاقىرىبىندا “Academic Kazakhstan Limited” كومپانياسىمەن بىرلەسە حاكاتون وتكىزدى. حاكاتوننىڭ ماقساتى-تۇراقتى دامۋ، اقپاراتتىق تەحنولوگيالار جانە ءبىلىم بەرۋ سالالارىنداعى جوبالاردىڭ پورتوتيپتەرىن ازىرلەۋ، تالانتتى جاستار مەن ەكولوگيالىق ترانسفورماسياعا ىقپال ەتەتىن ستارتاپتاردى قولداۋ، سونداي-اق ءبىلىم بەرۋ ۇردىستەرىندە جاسىل تەحنولوگيالار تۋرالى حابارلاردى كەڭىنەن تاراتۋ. بۇل ءىس-شاراعا الماتى قالاسى جوعارعى وقۋ ورىندارى ستۋدەنتتەرىنەن قۇرالعان 10 كوماندا تىركەلىپ، سايىسقا 5 كوماندا قاتىستى.
جارىس، قىزىقتى، تارتىستى جانە جوسپار بويىنشا ءوتتى. وسى حاكاتونعا ارنايى سايلانعان ءتورالقالاردىڭ شەشىمى بويىنشا: 3ء-شى ورىندى، “سەمىزدىك ءقاۋپىن بولجاۋ” جوباسىمەن كەلگەن ءال-فارابي اتىنداعى قازاق ۇلتتىق ۋنيۆەرسيتەتىنىڭ ستۋدەنتتەرى؛ 2ء-شى ورىندى، “اقىلدى قوقىس جاشىگى” جوباسىمەن ەۆرازيالىق تەحنولوگيالىق ۋنيۆەرسيتەتى ستۋدەنتتەرى؛ ال 1ء-شى ورىندى، “AportLife” جوباسىمەن ەۆرازيالىق تەحنولوگيالىق ۋنيۆەرسيتەتى ستۋدەنتتەرى جەڭىپ الىپ، استانا قالاسىندا وتەتىن فينالدىق جارىسقا جولداما الدى.