تۇركياداعى ورمان ورتىنە قاتىستى كۇدىكتى ۇستالدى

بۇل تۋرالى تۇركيا پرەزيدەنتى رەجەپ تايىپ ەردوعان مالىمدەدى.

تۇركيانىڭ وڭتۇستىگىندەگى ورمان ورتىنە قاتىستى كۇدىكتى ۇستالدى. الاپات ورتكە «كۇردىستاننىڭ جۇمىسشىلار پارتياسىنىڭ» قاتىسى دا بولۋى مۇمكىن. بۇل تۋرالى تۇركيا پرەزيدەنتى رەجەپ تايىپ ەردوعان مالىمدەدى، دەپ حابارلايدى Almaty-akshamy.kz Almaty.tv سايتىنا سىلتەمە جاساپ.

«ميلاستاعى ورتكە بايلانىستى ءبىر ادام ۇستالدى. وسىعان دەيىن ايتىپ كەلگەنىمدەي، تەررورلىق ۇيىم باسشىلارىنىڭ ورمانداردى ورتەۋ تۋرالى تاپسىرمالارىنان كەيىن قىزىل جالىن شارپىعان القاپتاردىڭ اۋماعى 2 ەسەگە ارتىپ كەتتى. الدىندا بولعان ءورتتىڭ كەيبىرى ءدال وسىنداي بۇيرىقپەن جاسالعان بولۋى مۇمكىن. سوندىقتان ءبىز كىنالىلەردى مەيلىنشە تەزىرەك انىقتاپ، ءتيىستى جازاسىن بەرۋىمىز قاجەت»،– دەدى تۇركيا پرەزيدەنتى Pەجەپ تايىپ ەردوعان.

ەستەرىڭىزگە سالا كەتەيىك، شىلدەنىڭ 28-سىندە انتاليانىڭ ماناۆگات اۋدانىندا ءورت شىعىپ، كەيىن ول باسقا اۋداندارعا تاراپ كەتكەن ەدى. وسىعان بايلانىستى ورتتەن زارداپ شەككەن وڭىرلەر اپات ايماعى دەپ جاريالاندى. بۇگىنگە دەيىن ءورت وشاقتارىنىڭ باسىم بولىگى ءسوندىرىلدى.