تۇركيانىڭ دەنساۋلىق ساقتاۋ ءمينيسترى كەمال مەميشوعلى ح جەلىسىندەگى پاراقشاسىندا ەلدىڭ باتىس ايماعىندا بولعان جەر سىلكىنىسىنەن قانشا ادام زارداپ شەككەنىن ايتتى، دەپ حابارلايدى aqshamnews.kz
مەميشوعلىنىڭ ايتۋىنشا، توتەنشە جاعداي سالدارىنان قازا تاپقاندار جوق.
تۇركيا دەنساۋلىق ساقتاۋ مينيسترلىگىنىڭ مالىمەتىنشە، جەر سىلكىنىسى سالدارىنان بارلىعى 19 ادام زارداپ شەككەن. ولار ءدۇمپۋ كەزىندە قۇلاۋ نەمەسە تەرەزەدەن سەكىرۋ سالدارىنان جاراقات الدى. زارداپ شەككەندەردىڭ تورتەۋى بۇگىندە اۋرۋحانادان ۇيىنە جىبەرىلدى.
"بارلىق زارداپ شەككەن ازاماتتىڭ جاعدايى جاقسى جانە اۋرۋحانالارىمىزدا ەم الۋىن جالعاستىرىپ جاتىر. ولاردىڭ تەزىرەك ساۋىعىپ كەتۋىنە تىلەكتەسپىن"، - دەپ قورىتىندىلادى دەنساۋلىق ساقتاۋ ءمينيسترى.
ەسكە سالساق، تۇركيانىڭ باتىسىندا سوڭعى 48 ساعات ىشىندە ەكى جويقىن جەر سىلكىنىسى بولدى. سوڭعى جەر سىلكىنىسى سالدارىنان بىرنەشە عيمارات قيرادى.