بيىل بيۋدجەت شىعىستارىنىڭ تيىمدىلىگىن ارتتىرۋ ءۇشىن جاڭا 10 جول ۋچاسكەسىندە اقىلى جول ەنگىزىلدى، دەپ حابارلايدى aqshamnews.kz ۇكىمەتتىڭ مالىمەتىنە سىلتەمە جاساپ.
2025 جىلى قۇرىلىس جانە جوندەۋ جۇمىستارىمەن بارلىق ساناتتاعى 13 مىڭ شاقىرىمعا جۋىق اۆتوجولدار قامتىلدى، ونىڭ ىشىندە:
2،2 مىڭ شاقىرىم رەسپۋبليكالىق ماڭىزى بار جولداردى سالۋ جانە رەكونسترۋكسيالاۋ؛
6،6 مىڭ شاقىرىم رەسپۋبليكالىق جەلىنى كۇردەلى جانە ورتاشا جوندەۋ؛
4،1 مىڭ شاقىرىم جەرگىلىكتى جولداردى جاڭارتۋ جۇمىستارى بار.
"بيۋدجەت شىعىستارىنىڭ تيىمدىلىگىن ارتتىرۋ ءۇشىن جالپى ۇزىندىعى 2 مىڭ شاقىرىم بولاتىن جاڭا 10 جول ۋچاسكەسىندە اقىلى جول ەنگىزىلدى. ناتيجەسىندە اقىلى كۇرە جولداردىڭ جالپى ۇزىندىعى 3،2 مىڭ شاقىرىمنان 5،2 مىڭ شاقىرىمعا دەيىن ۇلعايدى"، - دەپ جازىلعان حابارلامادا.
جىل سوڭىنا دەيىن 6،1 مىڭ شاقىرىمدىق جول جۇمىستارىن اياقتاۋ جوسپارلانىپ وتىر. ولار – قۇرىلىس جانە رەكونسترۋكسيالاۋ (847 شاقىرىم)، كۇردەلى جانە ورتاشا جوندەۋ (2،2 مىڭ شاقىرىم) جانە جەرگىلىكتى ماڭىزى بار جولداردى (3،1 مىڭ شاقىرىم) جوندەۋ جۇمىستارى.