انتاكيا مەن يسكەندەرۋن قالالارىنىڭ اراسىنداعى جول بۇزىلدى
دۇيسەنبى كۇنى تۇركيانىڭ حاتاي قالاسىنا قاراستى دەفنە اۋدانىندا 6،4 ماگنيتۋدالى جەر سىلكىنىسى تىركەلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
تۇركيانىڭ Anadolu اگەنتتىگى تاراتقان اقپاراتقا قاراعاندا، ءزىلزالانىڭ وشاعى 2 كم تەرەڭدىكتە جاتىر.
تۇركيانىڭ حاتاي قالاسىنا قاراستى دەفنە اۋدانىندا جەر سىلكىنىسى ەكى رەت قايتالانعان سوڭ، انتاكيا مەن يسكەندەرۋن قالالارىنىڭ اراسىنداعى جول بۇزىلدى. بۇلىنگەن عيماراتتار دا بار ەكەنى ايتىلىپ جاتىر.
Habertürk تەلەارناسىنىڭ حابارلاۋىنشا، تۇركيانىڭ وڭتۇستىك-شىعىسىندا ۇيلەر قيراعان، ازىرگە ولاردىڭ سانى قانشا ەكەنى بەلگىسىز. جەراستى ءدۇمپۋى سيريا، ليۆان، كيپر ەلدەرىندە، ءتىپتى يزرايلدە دە سەزىلگەن.
Anadolu اگەنتتىگىنىڭ حابارلاۋىنشا، كورشىلەس پروۆينسيالار مەن سيريا، ليۆان، يوردانيا، يراك، پالەستينا، يزرايل مەن ليۆاندا دا سەزىلگەن. ليۆاندا جەر سىلكىنىسى ەل استاناسى بەيرۋت قالاسىن قوسا العاندا ەلدىڭ بارلىق ايماعىندا بىلىنگەن.
سيريادا ءزىلزالانىڭ گۇرىلىن يدليب، الەپپو، حامى، افرينا، اازازا، دجەرابلۋسا، ەل-بابا مەن تەلل-ابيادادا سەزگەن. حالىق قاۋىپتەنىپ، ۇيلەرىنەن جۇگىرىپ شىعىپ جاتىر.
تۇركيادا جەر سىلكىنىسىنەن قازا تاپقاندار سانى 41 مىڭنان استى.