ەل تاريحىندا تۇڭعىش رەت تۇركيا حالقىنىڭ جالپى سانىنا (85 ميلليون) شاققاندا 60 جانە ودان جوعارى جاستاعى ادامداردىڭ ۇلەسى ەكى تاڭبالى سانعا (10،2 پايىز) جەتىپ، 8 722 806 ادامدى قۇرادى.
بۇۇ-نىڭ جىكتەۋ شكالاسى بويىنشا حالقىنىڭ 10 پايىزدان استامى 60 جاستان اسقان ەلدەر دەموگرافيالىق تۇرعىدان «قارت» ەلدەر بولىپ سانالادى، دەپ حابارلايدى Almaty-akshamy.kz.
دەموگرافتاردىڭ دەرەگىنشە، ەگەر حالىق سانىنىڭ ءوسۋ قارقىنى تومەن بولسا، تۇركيانىڭ قارت تۇرعىندارىنىڭ ۇلەسى ەل ازاماتتارىنىڭ جالپى سانىنا شاققاندا 2030 جىلعا قاراي 12،9 پايىزعا، 2040 جىلعا تامان 16،3 پايىزعا جانە 2060 جىلعا دەيىن 22،6 پايىزعا جەتەدى.