ق ر پرەمەر-مينيسترى ولجاس بەكتەنوۆ قازاقستاندىقتاردى ناۋرىز مەيرامىمەن قۇتتىقتادى، دەپ حابارلايدى اlmaty-akshamy.kz.
«قۇرمەتتى قازاقستاندىقتار!
سىزدەردى ۇلىستىڭ ۇلى كۇنى – ناۋرىز مەيرامىمەن شىن جۇرەكتەن قۇتتىقتايمىن!
تىرشىلىك اتاۋلىنى تۇلەتىپ، جەر-جاھانعا ىزگىلىك نۇرىن سەبەتىن ءاز-ناۋرىزدى ەلىمىز دارحان پەيىلمەن، جاڭاشا مازمۇنمەن اتاپ وتۋدە.
باعزىدان ىرىس پەن بەرەكەنىڭ التىن ارقاۋى، مولشىلىق پەن يگىلىكتىڭ قاينار باستاۋى بولعان ۇلىق مەرەكە – حالقىمىزدى مۇراتقا جەتكىزەر مىزعىماس بىرلىكتىڭ، ىرگەسى بەرىك، ەڭسەسى بيىك ەلدىكتىڭ جارشىسىنا اينالدى. جاڭارعان جىل كەمەل كەلەشەكتەن ۇكىلى ءۇمىت كۇتكەن ەلىمىز ءۇشىن جاسامپاز ىستەرگە ءارى تابىسقا تولى بولعاي. ءار شاڭىراقتىڭ ىرزىق-نەسىبەسى ارتىپ، ارمان-ماقساتتارى ورىندالسىن.
رۋحاني قۇندىلىقتارىمىزدى دارىپتەيتىن ناۋرىز مەرەكەسى قۇتتى بولسىن. قاشاندا وتباسىلارىڭىزدان شاتتىق پەن مولشىلىق كەتپەسىن! ۇلىس وڭ، اق مول بولسىن!»، - دەدى ۇكىمەت باسشىسى.