ينتەراكتيۆتى كورمەسى ءوتتى
«فورۋم» ساۋدا ورتالىعىندا ق ر مەملەكەتتىك ورتالىق مۋزەي قورىنداعى ەتنوگرافيالىق زاتتار نەگىزىندە «ۇلى دالا تىنىسى» جىلجىمالى كورمەسى ءوتتى. كورمەگە ورتالىق مۋزەيدىڭ ينتەراكتيۆتى قورىنداعى ۇلى تۇلعالاردىڭ كوزى تىرىسىندە ۇستاعان دومبىرالارىنىڭ كوشىرمەلەرى (ا.قۇنانباي ۇلى، د.نۇرپەيىسوۆا، ج.جابايەۆ، م.وتەمىس ۇلى ت.ب.) جانە قارۋ-جاراق تۇرلەرى مەن ىدىس-اياقتار قويىلدى. كورمە بارىسىندا مۋزەي قىزمەتكەرلەرى قازاقتىڭ ۇلتتىق مۇرالارىنا قاتىستى قۇندى اقپاراتتارمەن ءبولىستى.
– جىل باسى كۇنىنە وراي «ۇلى دالا تىنىسى» ەتنوگرافيالىق كورمەسىن ۇيىمداستىرىپ وتىرمىز. بۇل جەردە ۇلى تۇلعالاردىڭ زاتتارىنىڭ كوشىرمەسىن الىپ كەلدىك. باستى ماقساتىمىز – وسىنداي قۇندى زاتتارمەن حالىقتى تانىستىرۋ. ا.قۇنانباي ۇلى، د.نۇرپەيىسوۆا، ج.جابايەۆ، م.وتەمىس ۇلى سياقتى اڭىز ادامدارىمىزدىڭ باعالى زاتتارىن ادامدار كۇندە كورە بەرمەسى انىق، – دەدى ق ر ورتالىق مەملەكەتتىك مۋزەيىنىڭ انتروپولوگيا جانە ەندرولوگيا ءبولىمىنىڭ باسشىسى ارايلى بالايەۆا.
– وتە ەرەكشە كورمە ءوتىپ جاتىر. مۇنداي ۇلى تۇلعالاردىڭ قۇندى زاتتارىن كورەمىن دەپ ويلاماپپىن. بۇگىن ءبىرىنشى رەت ورتەكە اسپابىن ءوز كوزىممەن كورىپ، تارتىپ كوردىم. وسىنداي تاربيەلىك ماڭىزى بار كورمەلەردى كوپ ۇيىمداستىرسا ەكەن، – دەيدى كورمەگە كەلۋشى نۇرجان جولداسبەكوۆ.
