الماتىدا كوشەلەردى جارىقتاندىرۋ بويىنشا تۇرعىنداردىڭ وتىنىشتەرىن قاراۋ ۋاقىتى 6 ەسەگە قىسقارتىلادى، دەپ حابارلايدى almaty-akshamy.kz
الماتىدا كوشەنى جارىقتاندىرۋ ماسەلەسىن شەشۋ ءۇشىن تەحنيكالىق قىزمەتكەرلەر شتاتى ۇلعايتىلدى. الماتى قالاسىنىڭ اكىمى ەربولات دوسايەۆتىڭ تاپسىرماسى بويىنشا جەرگىلىكتى ۋچاسكەلەردە جۇمىس ىستەۋ ءۇشىن 20 ادامنان تۇراتىن العاشقى بريگادا جينالدى. «الماتى قالا جارىق» (اقج) ماماندارى كوشەنى جارىقتاندىرۋ ماسەلەسىن جويۋ ءۇشىن جەلىگە شىقتى. ولار جەكە قورعانىش قۇرالدارىمەن جابدىقتالعان: كاسكالار، ارنايى كيىمدەر، مونتاجداۋ بەلدىكتەرى، ارنايى اياق كيىمدەر.
سونىمەن قاتار، جۇمىس كەشەنىن ورىنداۋ ءۇشىن بريگادالار ەلەكتر جۇمىستارىنا، كابەلدىك جەلىلەر مەن شامدارعا سىناق جۇرگىزۋگە ارنالعان ارنايى قۇرالدارمەن جابدىقتالعان. قىزمەتكەرلەردىڭ بارلىق قۇرامى قاۋىپسىزدىك تەحنيكاسى بويىنشا سەرتيفيكاتتالعان وقىتۋدان ءوتتى.
بۇرىن اقج قۇرىلىمىندا تەحنيكالىق قىزمەت كورسەتۋ ماماندارى بولماعان، سەبەبى بۇل جۇمىستى جەكە سەرىكتەس اتقارعان. ءبىراق «الماتى قالا جارىق» مجس كەلىسىم شارتىنىڭ تالاپتارىن ورىنداماۋ بويىنشا سوت تالقىلاۋلارىنا بايلانىستى كوشەلەردى جارىقتاندىرۋ ماسەلەلەرىن ءوز بەتىنشە جانە جەدەل پىسىقتايتىن بولادى. 2022 جىلدىڭ باسىنان بەرى جارىققا شاعىمداردىڭ سانى 2 ەسەگە ارتىپ، 20 مىڭنان اسقان. قالا بويىنشا جاعدايدى جاقسارتۋ ءۇشىن سىرتقى جارىقتاندىرۋ جەلىلەرى اۋداندىق اكىمدىكتەرگە اۋىسادى. قازىرگى تاڭدا المالى اۋدانى اكىمىنىڭ اپپاراتىمەن كەلىسىم شارت جاسالدى. تۇرعىنداردىڭ وتىنىشتەرىن ورىنداۋ ۋاقىتى قىسقاردى. ەگەر بۇرىن 30 كۇنگە دەيىن سوزىلسا، تەحنيكالىق ماماندار جەلىسىن شىعۋ ارقىلى وڭدەۋ ۋاقىتى 5 كۇنگە دەيىن قىسقارادى.
ىرىكتەۋدىڭ ءبىرىنشى كەزەڭى 20 ادامدى قۇرادى. جىل سوڭىنا دەيىن تەحنيكالىق مامانداردىڭ سانىن كەمىندە ءۇش ەسەگە ارتتىرۋ جوسپارلانۋدا. ماماندار جەرگىلىكتى ۋچاسكەلەردەن جۇمىستى باستايدى. جاڭارتىلعان توپتار جارىقتاندىرۋ تىرەكتەرىن ورناتۋعا ارنالعان اۆتوگيدروقوزعالتقىشتار مەن مانيپۋلياتور تۇرىندەگى ارنايى تەحنيكامەن جابدىقتالعان.