«ەلىمىزدىڭ ەڭ باستى مەيرامى – رەسپۋبليكا كۇنى قۇتتى بولسىن!
پرەزيدەنت قاسىم-جومارت توقايەۆتىڭ قاتىسۋىمەن مەملەكەتتىك ناگرادالار مەن سىيلىقتار تاپسىرۋعا ارنالعان سالتاناتتى ءراسىم ءوتتى، دەپ حابارلايدى almaty-akshamy.kz
«بۇل – قازاقتىڭ مەملەكەتتىلىك ءداستۇرى قايتا جاڭعىرعان تاريحي كۇن. كوك تۇرىكتەر داۋىرىنەن، التىن وردا، قازاق حاندىعى زامانىنان كەلە جاتقان ەلدىگىمىز تامىرىن تاپقان كۇن. بۇل – الاش ارىستارىنىڭ ازاتتىق جولىنداعى ارپالىسى اقتالعان كۇن. حالقىمىزدا «ەگەمەن بولماي، ەل بولماس» دەگەن ءسوز بار. وسىدان 33 جىل بۇرىن تاريحي ادىلدىك ورنادى. قازاقستاننىڭ مەملەكەتتىك ەگەمەندىگى تۋرالى دەكلاراسيا قابىلداندى. وسى ماڭىزدى قۇجات جۇرتىمىزدىڭ ازاتتىق الۋىنا جول اشتى»، - دەدى پرەزيدەنت.
«شىن مانىندە، ەگەمەندىك دەكلاراسياسىن قابىلداۋ وڭايعا سوققان جوق. ەلىمىزدىڭ ۇلتتىق قۇرامى بىركەلكى ەمەس ەدى. سول كەزدەگى پارلامەنتتە، ياعني جوعارعى كەڭەستە جانە بۇكىل قوعامىمىزدا ۇزاق پىكىرتالاس، قىزۋ تالقىلاۋ بولدى. قۇجاتتىڭ ءار ءسوزىن، ءار بابىن قورعاۋعا تۋرا كەلدى. ءاليحان بوكەيحان «بوستاندىققا اپاراتىن جالعىز جول – ۇلتتىق ىنتىماق قانا» دەگەن. ەل اعالارى حالقىمىزدىڭ ارداقتى ۇلىنىڭ بۇل وسيەتىنە ادال بولدى. ولار جاۋاپتى ساتتە ۇيىمشىلدىقپەن ۇلت مۇددەسىن قورعاي ءبىلدى. اقجولتاي قۇجات جۇرتىمىزدىڭ تالاپ-تىلەگىنە ساي جازىلدى، وتانشىل ازاماتتاردىڭ اقىل-پاراساتىنىڭ ارقاسىندا قابىلداندى. ولاردىڭ سىن ساعاتتاعى باتىلدىعىن ناعىز ەرلىك دەپ باعالاۋعا بولادى»، - دەدى مەملەكەت باسشىسى.