تۇركسىب اۋدانىنداعى №20 مەكتەپتى كەڭەيتۋ جوباسى جەر تەلىمدەرىن الۋ ماسەلەسىنە قاتىستى تۋىنداعان ساۋالدارعا قاراماستان جۇزەگە اسىرىلادى، دەپ حابارلايدى Aqshamnews.kz.
سەبەبى مەكتەپتەگى ورىن تاپشىلىعىن شەشۋ – قالانىڭ باسىم باعىتتارىنىڭ ءبىرى. بۇل تۋرالى الماتى قالاسى اكىمىنىڭ ورىنباسارى بەيبىت شاحانوۆ وڭىرلىك كوممۋنيكاسيالار قىزمەتىنىڭ بريفينگىندە ايتتى.
1953 جىلى سالىنعان №20 مەكتەپ 720 وقۋشىعا ەسەپتەلگەن. الايدا ءقازىر مۇندا شامامەن 1200 بالا ءبىلىم الۋدا. وقۋ ورنى قوسىمشا كابينەتتەرگە مۇقتاج، ەكى اۋىسىممەن جۇمىس ىستەپ جاتىر. بۇل وقۋشىلار ءۇشىن دە، پەداگوگتار ءۇشىن دە قولايسىزدىق تۋعىزۋدا. سپورت زالىندا ءبىر مەزەتتە 3-4 سىنىپ قاتار جاتتىعۋ وتكىزسە، 80 ورىندىق اسحانا وقۋشىلار سانىن تولىق قامتي الماي وتىر.
«تۇرعىنداردىڭ ۇسىنىسىن ەسكەرە وتىرىپ، ءبىز جوبالىق شەشىمدى قايتا قاراستىرىپ جاتىرمىز. ءقازىر 1200 ورىنعا ارنالعان جاڭا 5 قاباتتى مەكتەپ سالۋ جوسپارى ازىرلەنىپ جاتىر. ونىڭ ىشىندە سپورت جانە ويىن الاڭى دا بولادى. بۇل جەر تەلىمدەرىن الۋ كولەمىن ايتارلىقتاي قىسقارتۋعا مۇمكىندىك بەرەدى. دەگەنمەن مىنانى ءتۇسىنۋ ماڭىزدى: قالا دامىپ كەلەدى، ال الەۋمەتتىك ينفراقۇرىلىمدى كەڭەيتۋ قاجەت ءارى ۋاقىت تالابى»، — دەدى بەيبىت شاحانوۆ.