ءابىلحان قاستەيەۆ اتىنداعى مەملەكەتتىك ونەر مۋزەيىندە ۇيىمداستىرىلعان كورمەدە قازاقستان، قىرعىزستان، وزبەكستان، رەسەي قىلقالام شەبەرلەرىنىڭ 80-نەن استام تۋىندىلارى ۇسىنىلدى، دەپ حابارلايدى aqshamnews.kz
حالىقارالىق سيمپوزيۋم-پلەنەرى جۇمىسى 2024 جىلى باستالدى. جوبا ءۇش كەزەڭنەن تۇرادى. ءۇش ءتۇرلى گەوگرافيالىق الاڭدا وتكىزىلىپ، بىرنەشە ايعا سوزىلدى. ءبىرىنشى كەزەڭدە سۋرەتشىلەر ىستىقكولدىڭ تىنىش، سۇلۋ تابيعاتىمەن شابىتتانىپ، قىرعىز جەرىنىڭ كوركەم پەيزاجدارىن بەينەلەدى. ەكىنشى كەزەڭى قازاقستاننىڭ تيان-شان تاۋىندا ورنالاسقان كەگەن اۋدانىنا قاراستى مەركى جايلاۋىندا ءوتتى. قورىتىندى كەزەڭ وزبەكستاننىڭ مادەني جانە ساۋلەت مۇرالارى سانالاتىن ورتا ازيانىڭ تاريحي قالالارى – سامارقاند، بۇحارا جانە تاشكەنتتە ءوتتى. بۇل ءۇش قالا دا ورتالىق ازيانىڭ رۋحاني تىرەگىنە اينالعان، عاسىرلار بويى ونەر مەن مادەنيەتتىڭ وشاعى بولعان مەكەندەر.
سيمپوزيۋم-پلەنەر ءابىلحان قاستەيەۆ پەن ورال تاڭسىقبايەۆتىڭ ونەردەگى داستۇرلەرىن جاڭعىرتىپ، ولاردىڭ شىعارماشىلىعىنان العان اسەر مەن رۋحاني مۇراعا قۇرمەتپەن قوسا، قىلقالام شەبەرلەرىنە شابىت سىيلاپ، قولداۋ كورسەتۋ ماقساتىندا ۇيىمداستىرىلدى.
ەكسپوزيسيا قاڭتار ايىنىڭ 23-نە دەيىن جالعاسادى.