سىبايلاس جەمقورلىق - زامانمەن بىرگە وسىپ-وركەندەپ، نەبىر تەگەۋرىندى قارسىلىقتارعا توتەپ بەرىپ، قايدا مول قاراجات، پايدا بولسا، سول جەرگە تامىر جايىپ، بۇگىنگە دەيىن جويىلماي وتىرعان ءقاۋىپتى كەسەلدىڭ ءبىرى، دەپ حابارلايدى aqshamnews.kz.
بۇل كەسەل دامۋشى ەلدەردەگىدەي ءبىزدىڭ جاس مەملەكەتىمىزگە دە وراسان زور نۇقسان كەلتىرىپ وتىر. ءبىزدىڭ رەسپۋبليكامىزدا دا بۇل ماسەلەگە قارسى كۇرەس شارالارى تاۋەلسىزدىك العان ساتتەن باستاپ مەملەكەتتىڭ ءبىرىنشى كەزەكتەگى مىندەتىنە اينالدى.
سىبايلاس جەمقورلىققا قارسى كۇرەس جۇرگىزۋ دەگەنىمىز - بۇل مەملەكەتتە تۇراقتىلىقتى قامتاماسىز ەتۋدىڭ قاجەتتى شارتى دەپ ايتقان ەكەن كەزىندە اريستوتەل عۇلاما. «كەز كەلگەن مەملەكەتتىك قۇرىلىستاعى باستى نارسە – بۇل زاڭدار وزگە دە كۇن ءتارتىبىنىڭ جاردەمى مەن ءىستى لاۋازىم يەلەرى بايۋ جولىنا ءتۇسىپ كەتپەيتىن دەيەتىپۇيىمداستىرۋ.
جالپى جۇرتقا ورتاق پايدا كەلۋىن ويلاستىراتىن مەملەكەتتىك قۇرىلىستار عانا ءادىل، دۇرىس بولماق»، - دەگەن ەكەن ەجەلگى ويشىل عالىم.
پاراقورلىق مەملەكەتتىك ورگانداردىڭ ءتيىستى قىزمەت اتقارۋىنا كەرى اسەرىن تيگىزىپ، بەدەلىنە نۇقسان كەلتىرەدى، زاڭدى قاعيدالاردى تەرىسكە شىعارىپ، ازاماتتاردىڭ كونستيتۋسيالىق قۇقىقتارى مەن زاڭدى مۇددەلەرىنىڭ بۇزىلۋىنا تۇرتكى بولادى.
قازاقستان رەسپۋبليكاسىنىڭ «سىبايلاس جەمقورلىققا قارسى ءىس-قيمىل تۋرالى» زاڭىنا سايكەس، سىبايلاس جەمقورلىقپەن كۇرەستى بارلىق مەملەكەتتىك ورگاندار مەن وندا قىزمەت اتقاراتىن لاۋازىمدى تۇلعالار جۇرگىزۋى ءتيىس.
مۇندا ەسكەرتەتىن تاعى ءبىر ماڭىزدى جاي: مەملەكەت پەن كەيبىر شەنەۋنىكتەردىڭ اتقاراتىن قىزمەتىن زاڭ جۇزىندە ناقتى ايقىنداۋ، قابىلداناتىن شەشىمدەر كەيبىر ادامداردىڭ ەركىنە تاۋەلدى بولاتىن سالالاردى ازايتۋ.
باسقاشا ايتقاندا، زاڭنامالاردىڭ انىقتىعى، قاراپايىمدىعى مەن تۇراقتىلىعى قاجەت، ازاماتتىق قوعامدى قالىپتاستىرۋ ءۇشىن جاعدايلار تۋعىزۋ، حالىقتىڭ ءبىلىم دەڭگەيىن، ونىڭ ىشىندە قۇقىقتىق ساۋاتتىلىعىن ارتتىرۋ كەرەك. سىبايلاس جەمقورلىقپەن كۇرەستى جەكە قاراۋ مۇمكىن ەمەس. سىبايلاس جەمقورلىق قىلمىستارى الەۋمەتتىك تۇرعىدان پايدا بولعاندىقتان، ونى بولدىرماۋ مەن الدىن الۋدى بارلىق مەملەكەتتىك مەكەمەلەر قامتاماسىز ەتۋ قاجەت.