وسىدان 33 جىل بۇرىن، 1991 جىلعى 2 قازاندا قازاقستان تاريحىندا عارىشقا العاش قادام جاسالدى. عارىشكەر توقتار اۋباكىروۆ بايقوڭىر عارىش ايلاعىنان «سويۋز تم-13» عارىش كەمەسىندە ۇشتى. ەكيپاج قۇرامىندا ول «مير» وربيتالىق ستانسياسىندا ءبىر اپتا بولدى جانە 10 قازاندا جەرگە ورالدى، دەپ حابارلايدى aqshamnews.kz.
وسى ۋاقىت ارالىعىندا ول بەس عىلىمي ەكسپەريمەنت جۇرگىزدى.
ۇشۋ كەزىندە ارال تەڭىزىنىڭ قۇمدى داۋىلدارىن ءتۇسىرۋ جانە مەديسينالىق-بيولوگيالىق زەرتتەۋلەر جۇرگىزىلدى. ارنايى ازىق-تۇلىك جانە عارىشتىق بيوتەحنولوگيا مۇقيات باقىلاۋدان ءوتتى. ميكروگراۆيتاسياداعى مەتالل بالقىمالارىنىڭ ارەكەتى زەرتتەلدى. جەرگە ورالعان سوڭ، جينالعان بارلىق ۇلگىلەر عالىمدار تاراپىنان مۇقيات زەرتتەدى.
توقتار اۋباكىروۆتىڭ ۇشۋى قازاقستاندىق عارىش عىلىمى مەن تەحنولوگيالارىن دامىتۋدىڭ شەشۋشى ءساتى بولدى. قازاق ۇلتىنىڭ تۇڭعىش عارىشكەرى رەتىندە ونىڭ جەتىستىكتەرى جەردى عارىشتان زەرتتەۋدە جانە قازاقستاندا عارىش تەحنولوگيالارىن ازىرلەۋدە جاڭا ءداۋىردىڭ باستالۋىن بىلدىرەدى.
اۋباكىروۆ توقتار وڭعارباي ۇلى — تەحنيكا عىلىمدارىنىڭ دوكتورى، پروفەسسور، كسرو-نىڭ 72ء-شى عارىشكەرى، كسرو-نىڭ ەڭبەك سىڭىرگەن سىناۋشى ۇشقىشى، قازاقستان رەسپۋبليكاسىنىڭ ەڭبەك سىڭىرگەن سپورت شەبەرى. قازاقستان اۋە كۇشتەرىنىڭ گەنەرال-مايورى. قازاقستاننىڭ حالىق قاھارمانى، كەڭەس وداعىنىڭ باتىرى.