پرەزيدەنت 2024 جىلعى 26 قىركۇيەكتە قازاقستان رەسپۋبليكاسى پرەزيدەنتىنىڭ "ءارحيۆى" رەسپۋبليكالىق مەملەكەتتىك مەكەمەسىن كوشىرۋ تۋرالى جارلىققا قول قويدى.
جارلىقتا بىلاي دەلىنگەن:
قازاقستان رەسپۋبليكاسىنىڭ ۇكىمەتىنە الماتى قالاسىنان استانا قالاسىنا "قازاقستان رەسپۋبليكاسى پرەزيدەنتىنىڭ ءارحيۆىن" كوشىرۋدى 2025 جىلعى 1 ناۋرىزعا دەيىن قامتاماسىز ەتۋ تاپسىرىلدى.
ۆەدومستۆو جاڭا مەكەنجاي بويىنشا ورنالاسادى: استانا قالاسى، ەسىل اۋدانى، ماڭگىلىك ەل داڭعىلى، 15ء-ۇي.
2025 جىلعى 1 قاڭتاردان باستاپ ءارحيۆتىڭ شتات سانى 108-دەن 168 ادامعا دەيىن ۇلعايتىلاتىن بولادى.
سونىمەن قاتار، 2025 جىلعى 1 ناۋرىزدان باستاپ مەكەمە ديرەكتورى پرەزيدەنت اكىمشىلىگىنىڭ باسشىسى مەن پرەزيدەنت كەڭسەسى باسشىسىنىڭ كەلىسىمى بويىنشا ءوز ورىنباسارلارىن جانە مەكەمە فيليالدارىنىڭ باسشىلارىن، سونداي-اق قۇرىلىمدىق بولىمشە باسشىلارىن تاعايىنداپ، قىزمەتتەن بوساتادى.
جارلىق 26 قىركۇيەكتەن باستاپ كۇشىنە ەندى، جەكەلەگەن نورمالار 2025 جىلعى 1 قاڭتار مەن 1 ناۋرىزدان باستاپ ەنگىزىلەدى.