قازاقستاندا 1 جەلتوقسان - تۇڭعىش پرەزيدەنت كۇنى
قازاقستان رەسپۋبليكاسىنىڭ تۇڭعىش پرەزيدەنتى كۇنىن مەرەكەلەۋ اياسىندا الماتى وبلىسىنىڭ توتەنشە جاعدايلار دەپارتامەنتىندە ءبىرقاتار ءىس-شارا ءوتتى، دەپ حابارلايدى Almaty-akshamy.kz.
قازاقستاندا 1 جەلتوقسان - تۇڭعىش پرەزيدەنت كۇنى. بۇل كۇن كەزدەيسوق تاڭدالمادى - ءدال وسى كۇنى 1991 جىلى نۇرسۇلتان نازاربايەۆ قازاق كسر پرەزيدەنتى لاۋازىمىنا سايلاندى، ال ەكى اپتادان كەيىن تاۋەلسىز قازاقستاننىڭ باسشىسى بولدى.
بۇگىندە ءبىزدىڭ ەلىمىز الەمدە تانىمال، ونىڭ ءوز دامۋىن جەتىلدىرۋ بويىنشا كوپتەگەن ءورشىل جوبالارى بار. قازىرگى قازاقستاننىڭ جەتىستىكتەرى نۇرسۇلتان ءابىش ۇلى نازاربايەۆتىڭ ساياسي ەرىك-جىگەرىنىڭ، باتىلدىعىنىڭ، كورەگەندىگىنىڭ ارقاسىندا مۇمكىن بولدى. ءبىزدىڭ كوشباسشىمىزدىڭ جەتىستىكتەرى شىنايى قۇرمەتكە يە، سوندىقتان ءبىزدىڭ كۇنتىزبەمىزدە قازاقستان رەسپۋبليكاسىنىڭ تۇڭعىش پرەزيدەنتى كۇنىنىڭ پايدا بولۋى دا زاڭدى. ەندى قىستىڭ العاشقى كۇنى، وسى مەرەكە اتاپ وتىلەتىن كۇن بارلىق قازاقستاندىقتار ءۇشىن ايتۋلى مەيرام بولدى.
قازاقستان رەسپۋبليكاسىنىڭ تۇڭعىش پرەزيدەنتى كۇنىن مەرەكەلەۋ اياسىندا الماتى وبلىسىنىڭ توتەنشە جاعدايلار دەپارتامەنتىندە كارانتيندىك شارالاردى ساقتاي وتىرىپ، بەينەكونفەرەنس بايلانىس رەجيمىندە سالتاناتتى ءىس-شارا وتكىزىلدى. وعان دەپارتامەنت اپپاراتىنىڭ، اۋماقتىق جانە ۆەدومستۆولىق باعىنىستى بولىمشەلەردىڭ قىزمەتكەرلەرى قاتىستى.
سالتاناتتى شارادا الماتى وبلىسى توتەنشە جاعدايلار دەپارتامەنتى باستىعىنىڭ ورىنباسارى، ازاماتتىق قورعاۋ پولكوۆنيگى ەرلان دۇيسەنحان ۇلى احاشوۆ قۇتتىقتاۋ ءسوز سويلەدى. ءوز سوزىندە ول قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆ قازاقستاننىڭ بىرلىگىن، كونستيتۋسيانى، ادامنىڭ جانە ازاماتتىڭ قۇقىقتارى مەن بوستاندىقتارىن قورعاۋدى قامتاماسىز ەتكەن جاڭا تاۋەلسىز مەملەكەتتىڭ نەگىزىن قالاۋشى بولىپ تابىلاتىنىن اتاپ ءوتتى، سونداي-اق ەلىمىزگە گۇلدەنۋدى، ال ءاربىر قىزمەتكەرگە بەيبىتشىلىك، دەنساۋلىق، باقىت، وتباسىلارىنا جاقسىلىق جانە اماندىق تىلەدى.
توتەنشە جاعدايلاردىڭ الدىن الۋ جانە جويۋ، مەملەكەتتىك جۇيەسىن دامىتۋعا جانە نىعايتۋعا بەلسەندى قاتىسقانى ءۇشىن الماتى وبلىسى تجد قىزمەتكەرلەرى: ەڭبەكشىقازاق اۋدانى تجب باس مامانى، ازاماتتىق قورعاۋ پودپولكوۆنيگى ا.ن.كوندىبايەۆ جانە ءورت ءسوندىرۋ جانە اپاتتان قۇتقارۋ جۇمىستارى قىزمەتىنىڭ كادر ساياساتى ءبولىمىنىڭ باستىعى، ازاماتتىق قورعاۋ مايورى د.ب.كەمەلبايەۆ قازاقستان رەسپۋبليكاسى تج مينيسترلىگىنىڭ گراموتالارىمەن، سارقاند اۋدانى تجب باس مامانى، ازاماتتىق قورعاۋ مايورى ە.ج.تۇرسىنوۆ قازاقستان رەسپۋبليكاسى تجم العىس حاتىمەن سالتاناتتى تۇردە ماراپاتتالدى.
سونداي-اق، الماتى وبلىسى تجد ءورت ءسوندىرۋ جانە اپاتتان قۇتقارۋ جۇمىستارى قىزمەتىنىڭ №6 ءوسب بولىمشەسىنىڭ كومانديرى، ازاماتتىق قورعاۋ ستارشيناسى د.ا. ەركىنوۆقا جانە بالقاش اۋدانى تجب باس مامانىنا العىس جاريالاندى.
سالتاناتتى شارا بارىسىندا «ق ر تۇڭعىش پرەزيدەنتىنىڭ جولى» اتتى دەرەكتى ءفيلمىنىڭ كورسەتىلىمى ۇيىمداستىرىلدى.