مينيستر ورفاندىق اۋرۋلاردى ەمدەۋگە ارنالعان يننوۆاسيالىق پرەپاراتتارعا قول جەتكىزۋ ماسەلەسىن تالقىلادى
شۆەيساريانىڭ بازەل قالاسىندا پرەزيدەنت قاسىم-جومارت توقايەۆتىڭ شۆەيسارياعا رەسمي ساپارى اياسىندا دەنساۋلىق ساقتاۋ ءمينيسترى الەكسەي سوي مەن شۆەيساريالىق F. Hoffmann-La Roche Ltd فارماسيەۆتيكالىق كومپانياسى ديرەكتورلار كەڭەسىنىڭ ءتوراعاسى كريستوف فرانستىڭ ەكىجاقتى كەزدەسۋى ءوتتى، دەپ حابارلايدى Almaty-akshamy.kz.
كومپانيانىڭ قىزمەتىمەن تانىسۋ ءۇشىن ق ر دەنساۋلىق ساقتاۋ ءمينيسترى الەكسەي سوي شۆەيساريانىڭ بازەل قالاسىنداعى دارىلىك پرەپاراتتاردىڭ وندىرىستىك الاڭىنا باردى.
ەكىنشى نىسان دياگنوستيكالىق جابدىقتاردى ءوندىرۋ بويىنشا گروسسكرويس قالاسىنداعى زاۋىت بولدى.
مينيستر ورفاندىق اۋرۋلاردى ەمدەۋگە ارنالعان يننوۆاسيالىق پرەپاراتتارعا قول جەتكىزۋ ماسەلەسىن، شۆەيساريالىق تەحنولوگيالاردىڭ قازاقستانعا ترانسفەرىنىڭ ماڭىزدىلىعىن، سونداي-اق كومپانيانىڭ زەرتحانالىق ينفراقۇرىلىمدى دامىتۋعا باعىتتالعان جوبالاردى ىسكە اسىرۋعا، COVID-19 بار پاسيەنتتەردى ەمدەۋگە ارنالعان دارىلىك پرەپاراتتاردى جەتكىزۋگە مۇددەلىلىگىن تالقىلاۋعا ەرەكشە قىزىعۋشىلىق تانىتتى.
تاقىرىپتى تالقىلاۋ 2021 جىلعى 29 قاراشادا قول قويىلعان قازاقستان رەسپۋبليكاسى دەنساۋلىق ساقتاۋ مينيسترلىگى مەن Roche Ltd اراسىنداعى نەگىزدەمەلىك كەلىسىمنىڭ ماڭىزدىلىعىن راستايدى.
نەگىزدەمەلىك كەلىسىم ىنتىماقتاستىقتىڭ قاعيداتتارى مەن الدىن الا نيەتىن بەلگىلەۋگە، سونداي-اق قازاقستان رەسپۋبليكاسىنىڭ اۋماعىندا فارماسيەۆتيكالىق ونەركاسىپتى دامىتۋ جانە دارىلىك زاتتاردىڭ جەرگىلىكتى ءوندىرىسىنىڭ ۇلەسىن ۇلعايتۋ جونىندەگى جوبانى ىسكە اسىرۋ ماقساتىندا باعىتتالعان.