پاۆلودار وبلىسىنىڭ پوليسەيلەرى جەكە كاسىپكەردەن 1911 الكوگول ءونىمىن تاركىلەدى، – دەپ حابارلايدى Polisia.kz.
وسى جىلى اقسۋ قالاسىنداعى دۇكەندەردىڭ بىرىندە زاڭمەن تىيىم سالىنعان ۋاقىتتا الكوگول ساتىلدى.
ۋچاسكەلىك پوليسيا ينسپەكتورى الكوگولگە قارسى زاڭنامانى بۇزعانى ءۇشىن كاسىپكەرگە بىرنەشە رەت حاتتاما تولتىرىپ، ءىس سوتتا قارالعان. سوت قاۋلىسىمەن جەكە كاسىپكەرگە جالپى سوماسى 193200 تەڭگە ايىپپۇل سالىنىپ، ليسەنزيا قولدانىلۋى 2 اي مەرزىمگە توقتاتىلعان.
ليسەنزيانىڭ جوعىنا قاراماستان، كاسىپكەر الكوگولدى ساتۋدى جالعاستىرعان. بۇل رەتتە كاسىپكەر زاڭسىز قىزمەتكە جول بەردى، ويتكەنى الكوگول ءونىمىن ساقتاۋ جانە وتكىزۋ قۇقىعىنا ليسەنزيا بولماعان.
– پوليسيا جەكە كاسىپكەردەن ءتۇرلى 1911 بوتەلكە الكوگول ءونىمىن تاركىلەدى. جك- گە قاتىستى كاسىپكەرلىك قىزمەتپەن اينالىسقانى، سونداي-اق ءتيىستى رۇقساتسىز ءىس-قيمىلداردى جۇزەگە اسىرعانى ءۇشىن ق ر اقبتك-نىڭ 463-بابى 1-بولىگى بويىنشا اكىمشىلىك ءىس قوزعالدى، ماتەريال قاراۋ ءۇشىن سوتقا جىبەرىلدى، – دەيدى پاۆلودار وبلىسى اقسۋ قالاسىنىڭ پوليسيا ءبولىمىنىڭ باستىعى دۋلات توكەنوۆ.
پوليسيا بۇل باپتىڭ سانكسياسى – شاعىن كاسىپكەرلىك سۋبەكتىسىنە اكىمشىلىك قۇقىق بۇزۋشىلىق زاتتارى تاركىلەنە وتىرىپ، جيىرما بەس اەك مولشەرىندە ايىپپۇل سالۋدى كوزدەيتىنىن، ال ليسەنزياسىز كاسىپكەرلىك قىزمەتپەن اينالىسۋ – اكىمشىلىك قۇقىق بۇزۋشىلىق سالدارىنان الىنعان تابىستى قوسىمشا تاركىلەۋگە اكەپ سوقتىراتىنىن ەسكە سالدى.