ەلىمىزدە تۇنگى ۋاقىتتا تىنىشتىقتى بۇزعانى ءۇشىن ايتارلىقتاي ايىپپۇل قاراستىرىلعان.
جۇمىس كۇندەرى ساعات 22:00-دەن كەيىن جانە دەمالىس كۇندەرى ساعات 23:00-دەن كەيىن شۋلاۋعا تىيىم سالىنادى، بۇل ەرەجەلەردى ساقتاماعاندارعا ايىپپۇلدىڭ ەڭ تومەنگى مولشەرى – 19 660 تەڭگە، دەپ حابارلايدى aqshamnews.kz
تىنىشتىقتى بۇزعانى ءۇشىن سالىناتىن ايىپپۇلدار:
جەكە تۇلعاعا 5 اەك (2025 جىلى 19 660 تەڭگە)؛
شاعىن كاسىپكەرلىك يەلەرىنە نەمەسە كوممەرسيالىق ەمەس ۇيىمدارعا 20 اەك (2025 جىلى 78 640 تەڭگە)؛
ورتا كاسىپكەرلەرگە 30 اەك (2025 جىلى 117 960 تەڭگە)؛
ءىرى كاسىپكەرلىك يەلەرىنە 100 اەك (2025 جىلى 393 200 تەڭگە).
ەگەر بۇل ءبىر جىل ىشىندە قايتالانسا، ايىپپۇلدار كوبەيەدى:
جەكە تۇلعالار، شاعىن جانە ورتا بيزنەس ءۇشىن ەكى ەسە.
ءىرى بيزنەس ءۇشىن 150 اەك-گە دەيىن (2025 جىلى 589 800 تەڭگە).