مەملەكەت باسشىسى تاپسىرمالارىنىڭ شەڭبەرىندە قازاقستان رەسپۋبليكاسى دەنساۋلىق ساقتاۋ مينيسترلىگى اۋىل تۇرعىندارى ءۇشىن مەديسينالىق كومەكتىڭ ساپاسى مەن قولجەتىمدىلىگىن جاقسارتۋ جونىندەگى كەڭ اۋقىمدى شارالاردى ىسكە اسىرۋدا، دەپ حابارلايدى aqshamnews.kz.
ۇلتتىق شۇعىل مەديسينانى ۇيلەستىرۋ ورتالىعىنىڭ مالىمەتىنشە، اۋىل تۇرعىندارىنا شۇعىل مەديسينالىق كومەكتىڭ قولجەتىمدىلىگى ءۇشىن اۋىلداردا 195 جەدەل جاردەم كىشى ستانسياسى جۇمىس ىستەيدى، سونداي-اق ءبىر اۋىسىمدا 585 جمج بريگاداسى جۇمىس ىستەيدى، 887 بىرلىك سانيتاريالىق اۆتوكولىك جۇمىلدىرىلعان.
مەديسينالىق اۆياسيا جەلىسى بويىنشا 2024 جىلى استانا، الماتى قالالارىنان 2184 ۇشۋ، ونىڭ ىشىندە وڭىرلەرگە 1488 ۇشۋ ورىندالدى.
استانا جانە الماتى قالالارىنىڭ رەسپۋبليكالىق مەديسينالىق ۇيىمدارىنىڭ بىلىكتى بەيىندى ماماندارىن تارتا وتىرىپ، تەلەمەديسينا جانە قاشىقتىقتان مەديسينالىق قىزمەتتەر كورسەتۋ ورتالىعىنىڭ ماماندارى تاۋلىك بويى كۇشەيتىلگەن رەجيمدە 11 784 كونسۋلتاسيا، ونىڭ ىشىندە 70% وڭىرلەردە، ونىڭ ىشىندە اۋىلدىق جەرلەردە قاشىقتىقتان مەديسينالىق قىزمەتتەر ۇيىمداستىرىلىپ، جۇرگىزىلدى.
ينسۋلت ماسەلەسى بويىنشا رەسپۋبليكالىق ۇيلەستىرۋ ورتالىعى ينسۋلتپەن اۋىراتىن پاسيەنتتەرگە ۋاقتىلى جانە ساپالى مەديسينالىق كومەك كورسەتۋ ءۇشىن وڭىرلەردە ينسۋلت ورتالىقتارى مەن ينسۋلت توسەكتەرىنىڭ اشىلۋىنا مونيتورينگ جۇرگىزۋ بويىنشا تۇراقتى جۇمىس جۇرگىزۋدە.
سونىمەن، بۇگىنگى تاڭدا 12 ينسۋلت ورتالىعى مەن تەراپيا بولىمشەلەرىندەگى 162 ينسۋلت توسەگى ينسۋلتپەن اۋىراتىن پاسيەنتتەر ءۇشىن تىكەلەي اۋىلدىق جەرلەردە جۇمىس ىستەيدى.
اۋىلدار مەن قالالاردىڭ تۇرعىندارى ءۇشىن دەنساۋلىق ساقتاۋ سالاسىندا تەڭ جاعداي جاساۋ الەۋمەتتىك رەفورمالاردىڭ ماڭىزدى ماقساتى بولىپ تابىلادى.