دونورلىق اعزالاردى ۇزاق ۋاقىت كۇتكەن ءتورت پاسيەنتكە ترانسپلانتاتتاۋ بويىنشا ءساتتى وپەراسيالار جاسادى.
قايتىس بولعاننان كەيىنگى دونور جكو-دان العان جاراقاتتارىنان قايتىس بولعان 18 جاسار جاس جىگىت ەدى. ونىڭ تۋىستارى اعزالاردى الۋعا كەلىسىم بەرگەن، دەپ حابارلايدى aqshamnews.kz
ق ر دەنساۋلىق ساقتاۋ مينيسترلىگىنىڭ ترانسپلانتتاۋدى جانە جوعارى تەحنولوگيالىق مەديسينالىق قىزمەتتەردى ۇيلەستىرۋ جونىندەگى رەسپۋبليكالىق ورتالىعى (ءتجتمقۇرو) دونورلىق جانە ترانسپلانتاتتاۋ پروسەسىن جەدەل ۇيىمداستىرۋدى جۇزەگە اسىردى. كوپ اعزالىق الۋ بارىسىندا باۋىر، جۇرەك جانە ەكى بۇيرەك الىندى.
2024 جىلعى 25 شىلدەدە ماماندار اعزالاردى ترانسپلانتتاۋ بويىنشا ءساتتى وپەراسيالار جۇرگىزدى.
سونىمەن، شىمكەنت قالاسىنىڭ جۇرەك ورتالىعىندا 1966 جىلى تۋعان پاسيەنت جاڭا جۇرەككە يە بولدى، ا.ن. سىزعانوۆ اتىنداعى ۇلتتىق عىلىمي حيرۋرگيا ورتالىعىندا 1966 جىلى تۋعان پاسيەنتكە باۋىر ترانسپلانتاتتالدى. تۇركىستان وبلىسىنىڭ وبلىستىق كلينيكالىق اۋرۋحاناسىندا 1984 جىلى تۋعان پاسيەنتكە بۇيرەك ترانسپلانتاتتالدى، University Medical Center كلينيكاسىندا 2008 جىلى تۋعان بالاعا ەكىنشى بۇيرەك ترانسپلانتتالدى.
بۇعان دەيىن، 2024 جىلعى 17 شىلدەدە قازاقستاندا ءساتتى ترانسپلانتاتتاۋلار جۇرگىزىلگەن بولاتىن. University Medical Center كلينيكالارىندا 1980 جىلى تۋعان ايەلگە جۇرەك، 1967 جىلى تۋعان ايەلگە وكپە جانە 2009 جىلى تۋعان بالاعا بۇيرەك ترانسپلانتاتتالدى. «ۇعوو» جشس-دا 1971 جىلى تۋعان ەر ادامعا باۋىر جانە 1981 جىلى تۋعان ايەلگە بۇيرەك ترانسپلانتاتتالدى.
ءتجتمقۇرو دەرەكتەرى بويىنشا 2023 جىلى قازاقستاندا قايتىس بولعاننان كەيىن 7 دونور تىركەلدى، بۇل 19 اعزانى ترانسپلانتاتتاۋعا مۇمكىندىك بەردى. 2024 جىلدىڭ باسىنان بەرى قايتىس بولعاننان كەيىنگى دونورلاردىڭ سانى 5-ەۋ بولدى، بۇل 19 اعزانى ترانسپلانتاتتاۋعا مۇمكىندىك بەردى.
دەنساۋلىق ساقتاۋ مينيسترلىگى قازاقستاندىق مامانداردى، مەديسينا قىزمەتكەرلەرىن، اسىرەسە ترانسپلانتولوگتاردى دايارلاۋ مەن ۇيلەستىرۋدىڭ جوعارى دەڭگەيىن، سونداي-اق حالىق تاراپىنان قولداۋدىڭ ارتىپ كەلە جاتقانىن اتاپ ءوتتى.
ەلدە ترانسپلانتولوگيالىق كومەكتى دامىتۋ جونىندەگى جۇمىس جالعاستىرىلاتىن بولادى.