27 جانە 28 قاراشادا استانادا وتەتىن ۇجىمدىق قاۋىپسىزدىك تۋرالى شارت ۇيىمى سامميتىنە بايلانىستى بىرنەشە جوعارى وقۋ ورىندارىندا وقىتۋ فورماتى وزگەرتىلەدى، دەپ حابارلايدى aqshamnews.kz
ءتورت ۋنيۆەرسيتەت تولىعىمەن ونلاين وقىتۋ فورماتىنا كوشسە، ەكى ۋنيۆەرسيتەتتە وقىتۋ ءىشىنارا ونلاين فورماتتا وتەدى. ال تاعى ەكى وقۋ ورنىنىڭ ستۋدەنتتەرى بۇل ۋاقىتتا دەمالىستا بولادى. قالعان بەس استانالىق ۋنيۆەرسيتەتتىڭ ستۋدەنتتەرىنىڭ كەستەسىندە ەشقانداي وزگەرىس بولمايدى.
«بۇل شەشىمدى ۋنيۆەرسيتەتتەر وزدەرىنىڭ اكادەميالىق ساياساتىنا سايكەس قابىلدايدى»، — دەپ اتاپ ءوتتى عىلىم جانە جوعارى ءبىلىم مينيسترلىگىنىڭ قوعامدىق بايلانىستار دەپارتامەنتىنىڭ ديرەكتورى ولجاس بەركىنبايەۆ.