ق ر كولىك ءمينيسترى مارات قارابايەۆ ۇكىمەت وتىرىسىندا تەمىرجول جىلجىمالى قۇرامىن جاڭارتۋ جانە ۆاگوندار پاركىن جاڭارتۋ بويىنشا جۇرگىزىلىپ جاتقان جۇمىستار تۋرالى باياندادى، دەپ حابارلايدى aqshamnews.kz.
ءمينيستردىڭ ايتۋىنشا، قازىرگى ۋاقىتتا لوكوموتيۆ پاركىنىڭ جالپى سانى شامامەن 1،8 مىڭ بىرلىكتى قۇرايدى، ال ونىڭ توزۋ دەڭگەيى 61%-دى قۇرايدى.
«جىلجىمالى قۇراممەن قامتاماسىز ەتۋ جانە پاركتىڭ توزۋ دەڭگەيىن تومەندەتۋ ماقساتىندا بيىل 185 لوكوموتيۆ ساتىپ الىندى. كەلەسى جىلى 187 بىرلىك ساتىپ الۋ جوسپارلانعان، ال ودان كەيىنگى ءۇش جىلدا تاعى 257 لوكوموتيۆ جەتكىزىلەدى دەپ كۇتىلۋدە. بۇل لوكوموتيۆتەردىڭ جەتىسپەۋشىلىگىن تولىق جويۋعا ىقپال ەتەدى»، — دەدى مينيستر.
كولىك مينيسترلىگىنىڭ مالىمەتىنشە، جۇك ۆاگوندارىنىڭ جالپى پاركى 139 مىڭ ۆاگوندى قۇرايدى.
نارىقتا 300-دەن استام جەكە وپەراتورلار جۇمىس ىستەيدى. ولاردىڭ ىشىندە «قازاقستان تەمىر جولى» 38 مىڭ ۆاگونعا يە، ولار ەلىمىزدىڭ ەنەرگەتيكالىق سەكتورىن قامتاماسىز ەتۋ مەن حالىققا كومىر تاسىمالداۋدا ماڭىزدى ءرول اتقارادى.
2026 جىلعا دەيىن ۇلتتىق وپەراتور قوسىمشا 3 مىڭ اشىق ۆاگون ساتىپ الۋدى جوسپارلاپ وتىر، ونىڭ 800 بىرلىگى بيىل قولدانىسقا ەنگىزىلدى.
جولاۋشىلار ۆاگوندارى پاركىنە دە ەرەكشە نازار اۋدارىلۋدا. وتكەن جىلى 118 جاڭا ۆاگون ساتىپ الىنعان بولسا، بيىل 143 بىرلىك جەتكىزىلەدى. كەلەسى جىلى 226 ۆاگون ساتىپ الۋ جوسپارلانعان.
«جالپى، 2029 جىلعا دەيىن 1 مىڭ 200-گە جۋىق جولاۋشىلار ۆاگوندارى ساتىپ الىنادى، ناتيجەسىندە ۆاگون پاركى 3 مىڭ بىرلىكتەن اسىپ، ونىڭ توزۋ دەڭگەيى 38%-عا دەيىن تومەندەيدى. وسى مىندەتتەردى ورىنداۋ ءۇشىن وتاندىق وندىرۋشىلەردىڭ ۆاگوندارىن ساتىپ الۋ مۇمكىندىگىمەن جالعا بەرەتىن بىرىككەن ليزينگتىك كومپانيا قۇرۋ ۇسىنىلادى»، — دەپ مالىمدەدى مارات قارابايەۆ.