قازاقستان پرەزيدەنتى تۇركياعا رەسمي ساپارمەن باردى، - دەپ حابارلايدى aqshamnews.kz.
قاسىم-جومارت توقايەۆتى انكارا قالاسىنىڭ "ەسەنبوعا" اۋەجايىندا تۇركيا پرەزيدەنتى رەجەپ تاييپ ەردوعان قارسى الدى.
مەملەكەت باسشىسىن كۇتىپ الۋ ءۇشىن تراپ الدىندا قۇرمەت قاراۋىلى ساپ تۇزەپ تۇردى.
"قوناقجايلىق تانىتقانىڭىزعا كوپ راقمەت. اۋەجايعا كەلىپ، مەنى قارسى الدىڭىز. بۇل مەن ءۇشىن ۇلكەن قۇرمەت. ءبىزدىڭ ارامىزدا ەشقانداي تۇيتكىل جوق. ءبىزدى تەك تۋىستىق، ىنتىماقتاستىق بايلانىستىرادى. ەرتەڭ ماڭىزدى ساپار بولادى. ساپاردىڭ باعدارلاماسى وتە مازمۇندى. ونى تولىق ىسكە اسىرامىز دەپ ويلايمىن"، – دەدى قاسىم-جومارت توقايەۆ.
ەرتەڭ، ياعني 29 شىلدە كۇنى مەملەكەتتەر باسشىلارى قازاق-تۇرىك ستراتەگيالىق سەرىكتەستىگىن ودان ءارى نىعايتۋ پەرسپەكتيۆاسىن تالقىلاپ، كەلىسسوز جۇرگىزەدى.