مەملەكەت باسشىسى قاسىم-جومارت توقايەۆ Silk Way Star حالىقارالىق جوباسىنىڭ قاتىسۋشىلارىن قۇتتىقتادى، - دەپ حابارلايدى Aqshamnews.kz ءتىلشىسى اقورداعا سىلتەمە جاساپ.
"بۇگىن بەدەلدى حالىقارالىق ونەر دوداسى ءوز مارەسىنە جەتەدى. بارشاڭىزدى شىن جۇرەكتەن قۇتتىقتايمىن! بۇل – ازيا ەلدەرىنىڭ رۋحاني ىقپالداستىعىن نىعايتىپ، حالىقتارىمىزدىڭ دوستىعىن بەكەمدەي تۇسەتىن بىرەگەي باستاما. Silk Way Star – مادەني ديپلوماتيانىڭ ايقىن كورىنىسى، ۇلتتارىمىزدىڭ ءسالت-داستۇرى مەن شىعارماشىلىعىن پاش ەتەتىن تاماشا جوبا. وسىنداي اۋقىمدى ءىس-شارالار ىنتىماعىمىزدى كۇشەيتەدى، ورتاق قۇندىلىقتارىمىزدى جان-جاقتى دارىپتەيدى. تەڭدەسسىز جوبانى تابىستى جۇزەگە اسىرۋعا مول ۇلەس قوسقان China Media Group مەدياكورپوراسياسىنا شىنايى ريزاشىلىعىمدى بىلدىرەمىن. ازەربايجان، ارمەنيا، گرۋزيا، قازاقستان، جۇڭگو، قىرعىزستان، مالايزيا، موڭعوليا، تاجىكستان، تۇرىكمەنستان، وزبەكستان، وڭتۇستىك كورەيا ەلدەرىنەن كەلگەن دارىن يەلەرى وتە جوعارى دەڭگەيدە ونەر كورسەتىپ، ميلليونداعان كورەرمەننىڭ ىستىق ىقىلاسىنا بولەنۋدە. بارشاڭىزعا العىس ايتامىن"، - دەلىنگەن حابارلامادا.
سونداي-اق، پرەزيدەنت ولارعا ساتتىلىك تىلەپ، سەنىم ءبىلدىردى.