توقايەۆ ەاەو اۋماعىندا كەدەندىك باجداردى ءبولۋ تۋرالى زاڭعا قول قويدى

كەلىسىم ەۋرازيالىق ەكونوميكالىق وداق ەلدەرىندەگى كەدەندىك تولەمدەردى ءبولۋدى تەكسەرۋ ءتارتىبىن رەتتەيدى

مەملەكەت باسشىسى كەدەندىك اكەلۋ باجدارىن ەسەپكە الۋ جانە ءبولۋ، ولاردى ەاەو-عا مۇشە مەملەكەتتەردىڭ بيۋدجەتتەرىنە اۋدارۋ ءتارتىبىنىڭ ساقتالۋىنا بىرلەسكەن باقىلاۋ شارالارىن وتكىزۋ تۋرالى كەلىسىمدى راتيفيكاسيالاۋ تۋرالى زاڭعا قول قويدى، دەپ حابارلايدى Almaty-akshamy.kz.

كەلىسىم ەۋرازيالىق ەكونوميكالىق وداق ەلدەرىندەگى كەدەندىك تولەمدەردى ءبولۋدى تەكسەرۋ ءتارتىبىن رەتتەيدى.

قۇجات حالىقارالىق شارت دەڭگەيىندە بىرلەسكەن باقىلاۋ شارالارىن جۇرگىزۋ ءتارتىبىن، كەزەڭدەرى مەن مەرزىمدەرىن، انىقتالعان بۇزۋشىلىقتاردى جويۋ تەتىگىن، سونداي-اق اۋديتكە قاتىسۋشىلاردىڭ ءوزارا ءىس-قيمىلىنىڭ ۇيىمداستىرۋشىلىق ماسەلەلەرىن بەكىتۋدى كوزدەيدى، دەپ جازدى Zakon.kz.

بىرلەسكەن باقىلاۋ شارالارى مىنالارعا باعىتتالعان:

- كەدەندىك اكەلۋ باجدارىنىڭ بولىنەتىن سومالارىن مۇشە مەملەكەتتىڭ ۋاكىلەتتى ورگانىنىڭ ءبىرىڭعاي شوتىنا ەسەپكە الۋ؛
- مۇشە مەملەكەتتەردىڭ ۋاكىلەتتى ورگاندارىنىڭ مۇشە مەملەكەتتەردىڭ بيۋدجەتتەرى اراسىندا بولۋگە جاتاتىن كەدەندىك اكەلۋ باجدارىنىڭ سومالارىن اۋدارۋىنىڭ تولىقتىعى مەن ۋاقتىلىلىعى؛
- مۇشە مەملەكەتتەردىڭ ۋاكىلەتتى ورگاندارىنىڭ ءاربىر مۇشە مەملەكەت ءۇشىن كەدەندىك اكەلۋ باجدارىنىڭ سومالارىن ءبولۋ ءۇشىن بەلگىلەنگەن نورمالاردى ساقتاۋى.

كەلىسىمدى راتيفيكاسيالاۋ وداقتىڭ قىزمەتىن رەتتەۋدىڭ نەگىزگى تەتىكتەرىنىڭ ءبىرى رەتىندە كەدەندىك اكەلۋ باجدارىنىڭ (بالاما اسەرى بار باسقا دا باجدار، سالىقتار مەن الىمدار) سومالارىن ەسەپكە الۋ جانە ءبولۋ ءتارتىبىن جەتىلدىرەدى دەپ كۇتىلۋدە. سونداي-اق بيۋدجەت قاراجاتىنىڭ قوزعالىسىنىڭ زاڭدىلىعى مەن ۋاقتىلىلىعىن باقىلاۋدى قامتاماسىز ەتەدى.