ءقازىر الاڭداۋعا نەگىز جوق
17 اقپاندا وتكەن پارلامەنتتىك تىڭداۋدا پرەمەر-مينيستردىڭ ءبىرىنشى ورىنباسارى رومان سكليار الماتىداعى سەيسميكالىق قاۋىپسىزدىك ماسەلەسىنە قاتىستى پىكىر ءبىلدىردى، دەپ حابارلايدى Zakon.kz.
ماسەلەنى سەنات دەپۋتاتى سەرگەي ەرشوۆ كوتەردى. تۇركياداعى جويقىن جەر سىلكىنىسىنە توقتالىپ، بىزدە دە سەيسميكالىق ءقاۋىپتى الماتى سياقتى ءوڭىر بار ەكەنىن ايتتى. وسى ورايدا ول رومان سكلياردان الماتىداعى سەيسميكالىق قاۋىپسىزدىك جاعدايىن قالاي باعالايتىنىن جانە تۇركياداعىداي قايعىلى وقيعا ەلىمىزدە قايتالانباۋى ءۇشىن قانداي شارالار قابىلدانىپ جاتقانىن سۇرادى.
"الماتىدا ءبىر عانا ينستيتۋت بار. ول - قازاقستان قۇرىلىس جانە ساۋلەت عىلىمي-زەرتتەۋ ينستيتۋتى. مەكەمە سەيسميكالىق ايماقتاعى عيماراتتاردى جوبالاۋ ماسەلەسىمەن تاريحي تۇردە اينالىسىپ كەلەدى. ءقازىر الاڭداۋعا نەگىز جوق دەپ ەسەپتەيمىن. ءتيىستى شەنەۋنىكتەر ءتيىستى قۇجاتتارعا قول قويا وتىرىپ، وسىمەن اينالىسادى جانە ءوز جۇمىسىنا جاۋاپ بەرەدى"، - دەدى رومان سكليار.
6 اقپان كۇنى تاڭەرتەڭ تۇركيا مەن سيريادا كۇشتى جەر سىلكىنىسى بولدى. تەربەلىس ماگنيتۋداسى 7،8 بالل بولدى. العاشقى جەر سىلكىنىسىنەن كەيىن تۇرعىندار كەم دەگەندە تاعى ون شاقتى جەر سىلكىنىسىن سەزىندى.