جەردى تاڭداۋ كەزىندە سەيسميكالىق بەلسەندىلىك ماسەلەسى ەسكەرىلەدى
سەنات كۋلۋارىندا پرەمەر-مينيستردىڭ ءبىرىنشى ورىنباسارى رومان سكليار اەس سالىناتىن ورىن تۋرالى ناقتى شەشىم تەحنيكالىق-ەكونوميكالىق نەگىزدەمەگە سايكەس تاڭدالاتىنىن ايتتى، دەپ حابارلايدى Almaty-akshamy.kz Zakon.kz-كە سىلتەمە جاساپ.
جۋرناليستەر وعان تۇركياداعى جەر سىلكىنىسىن مىسالعا كەلتىرە وتىرىپ، "الماتى وبلىسى سەيسميكالىق جاعىنان ءقاۋىپتى دەپ ەسەپتەلەتىندىكتەن، اەس سالىناتىن ورىندى قايتا قاراۋ جوسپارى بار ما؟" دەگەن سۇراق قويدى. سپيكەر ستانسيانى جوبالاۋ جۇمىسى ءبىرشاما ۇزاق ۋاقىتقا سوزىلاتىنىن، سەبەبى بۇل نىسان ونەركاسىپتىك تۇرعىدان ءقاۋىپتى ەكەنىن ايتىپ، ءتيىستى ساراپتامالار مۇقيات جۇرگىزىلەتىنىنە سەندىردى.
"الدىمەن تەحنيكالىق-ەكونوميكالىق نەگىزدەمە ازىرلەنەدى، سودان كەيىن ونىڭ قورىتىندىسى، قاراۋ ناتيجەلەرى بويىنشا جوبالىق-سمەتالىق قۇجاتتار ازىرلەنەدى. ەگەر تەحنيكالىق-ەكونوميكالىق نەگىزدەمە ونى سول اۋماققا سالۋ ورىنسىز ەكەنىن كورسەتسە، ارينە، جوبالىق-سمەتالىق قۇجاتتاما بولمايدى. باسقا ورىن تاڭدالادى. ءقازىر بۇل ماسەلە كۇن تارتىبىندە تۇرعان جوق، تەك ورىن تاڭداۋ ماسەلەسى تالقىلانىپ جاتىر. تەحنيكالىق-ەكونوميكالىق نەگىزدەمە ازىرلەۋ ءالى باستالعان جوق، سوندىقتان وعان ءالى ەرتە"، - دەدى رومان سكليار.
15 اقپاندا قازاقستان رەسپۋبليكاسى ەنەرگەتيكا ۆيسە-مينيسترى اسحات حاسەنوۆ اتوم ەلەكتر ستانسياسىن سالۋعا ارنالعان جەردى تاڭداۋ كەزىندە سەيسميكالىق بەلسەندىلىك ماسەلەسى ەسكەرىلەتىنىن ايتتى.
6 اقپان كۇنى تاڭەرتەڭ تۇركيا مەن سيريادا كۇشتى جەر سىلكىنىسى بولدى. تەربەلىس ماگنيتۋداسى 7،8 بالل بولدى. العاشقى جەر سىلكىنىسىنەن كەيىن تۇرعىندار كەم دەگەندە تاعى ون شاقتى جەر سىلكىنىسىن سەزىندى.