«قازاق ادەبيەتى» گازەتىنىڭ جارىققا شىققانىنا 90 جىل تولىپ وتىر. سالتاناتتى شارا الماتى قالاسىنداعى «دوستىق» ۇيىندە ءوتتى.
باسىلىمنىڭ مەرەيتويىنا ارنالعان شارانىڭ شىمىلدىعى مادەنيەت جانە اقپارات ءمينيسترى ايدا بالايەۆانىڭ قۇتتىقتاۋ سوزىنەن باستالدى. مينيستر عاسىرعا جۋىق تاريحى بار باسىلىمدى مەرەيتويىمەن قۇتتىقتاي كەلە، كوپشىلىككە مەملەكەت باسشىسىنىڭ قۇتتىقتاۋىن جەتكىزدى، دەپ حابارلايدى almaty-akshamy.kz ق ر مادەنيەت جانە اقپارات مينيسترلىگىنىڭ باسپا ءسوز قىزمەتىنە سىلتەمە جاساپ.
«عاسىرعا جۋىق ۋاقىت ىشىندە گازەت قالىڭ وقىرمانى بار بەدەلدى باسىلىم رەتىندە قالىپتاسىپ، ءتول تاريحىمىزدىڭ جارشىسىنا اينالدى. العاشقى ساندارى «قازاق ادەبيەتى» ۇلت مادەنيەتىن كوتەرۋدە ۇلكەن ورىن السىن!" دەگەن ۇران سوزبەن جارىق كورگەن اپتالىق ءاردايىم وسى ۇدەدەن شىعا ءبىلدى. باسىلىم ۇلتتىق قۇندىلىقتاردى، قازاق قالامگەرلەرىنىڭ تۋىندىلارىن كەڭىنەن دارىپتەپ، رۋحانياتىمىزدىڭ وركەندەۋىنە ولشەۋسىز ۇلەس قوسىپ كەلەدى»، - دەلىنگەن پرەزيدەنتتىڭ قۇتتىقتاۋ حاتىندا.
مينيستر جۋرناليست ارداگەرلەرگە «ەڭبەك ارداگەرى» مەدالىن تابىس ەتتى، ولاردىڭ اراسىندا يسرايل ساپارباي، گۇلجامال تەميرەيەۆا جانە باسقا دا جۋرناليستەر بار.
«اقپارات سالاسىنىڭ ۇزدىگى» توسبەلگىسىمەن «قازاق ادەبيەتى» گازەتىنىڭ ءتىلشىسى ءمولدىر رايىمبەك ماراپاتتالدى.
سونىمەن بىرگە ق ر مادەنيەت جانە اقپارات مينيسترلىگىنىڭ قۇرمەت گراموتاسى مەن العىس حاتتارى بەرىلدى.