قىرعىزستاندا وتكەن «KGتاي» ونەر فەستيۆالىندە 9 جاسار قازاقستاندىق ءانشى نۇرجاينا تاۋبالدى جەڭىسكە جەتتى.
ارقالىق قالالىق مادەنيەت ءبولىمىنىڭ دەرەگىنشە، نۇرجاينا بىرنەشە ەلدىڭ ونەرپازدارى قاتىسقان سايىستا «ۆوكال» نوميناسياسى بويىنشا 1-ورىنعا يە بولعان، دەپ حابارلايدى Almaty-akshamy.kz قازاقپاراتقا سىلتەمە جاساپ.
نۇرجاينا تاۋبالدى ارقالىق قالاسىندا تۋعان. بۇگىندە ول قالالىق مادەنيەت ءۇيىنىڭ جانىنان قۇرىلعان «ءىنجۋ-مارجان» توبىنىڭ مۇشەسى. كىشكەنتاي ونەرپاز بۇعان دەيىن حالىقارالىق جانە رەسپۋبليكالىق دەڭگەيدەگى كونكۋرستارعا قاتىسىپ، جۇلدەگەر اتانعان. ال، بىلتىر حالىقارالىق «التىن ميكروفون-2021» بالالار ءان بايقاۋىندا ءىىى ورىن العان.