كەشەندى ءىس-شارالار شەڭبەرىندە حالىقتى جانە ينفراقۇرىلىمدى كوكتەمدە وزەندەردىڭ ارناسىنان اسۋىنا بايلانىستى قاۋىپتەردەن قورعاۋعا باعىتتالعان سۋ تاسقىنىنا قارسى كوپتەگەن ءىس-شارالار جۇزەگە اسىرىلۋدا.
سۋ تاسقىنىنىڭ ىقتيمال سالدارىن بولدىرماۋ ماقساتىندا جەرگىلىكتى اتقارۋشى ورگاندار توتەنشە جاعدايلار دەپارتامەنتتەرىمەن بىرلەسىپ قورعانىس بوگەتتەرى مەن بىلىكتەرىن تۇرعىزۋ جانە نىعايتۋ، سۋ بۇرۋ ارنالارى مەن ارىقتاردى قۇرۋ، سونداي-اق جاڭا نوسەر جۇيەلەرى مەن سۋ وتكىزۋ قۇرىلىستارىن سالۋ جونىندەگى جۇمىستاردى جۇرگىزەدى. وسى شارالاردىڭ بارلىعى سۋ تاسقىنىنان قورعاۋ ءۇشىن سەنىمدى ينفراقۇرىلىم قۇرۋعا باعىتتالعان، دەپ حابارلايدى aqshamnews.kz سالا مينيسترلىگىنە سىلتەمە جاساپ.
بۇدان باسقا تجم قىزمەتكەرلەرى 2025 جىلعى سۋ تاسقىنىنا قارسى ءىس-شارالاردى ىسكە اسىرۋ بويىنشا بارلىق وڭىرلەردىڭ دايىندىعىنا تەكسەرۋ جۇرگىزۋدە.
قاراعاندى وبلىسىندا سۋ تاسقىنى كەزەڭىنە دايىندىق جۇمىستارى اياقتالدى. بارلىعى 180 ينجەنەرلىك ءىس-شارا جۇزەگە اسىرىلدى. 65 كم قورعانىس بوگەتتەرى مەن بىلىكتەرى تۇرعىزىلىپ، نىعايتىلدى، وزەندەر ارنالارىنىڭ 18-دەن استام كم سۋ تاسقىنى ءقاۋىپتى ۋچاسكەلەرىنە ساناسيا جۇرگىزىلدى، 26 كم درەناجدىق جانە سۋ بۇرۋ جۇيەلەرى تازارتىلدى. اۆتوجولداردىڭ 75 ۋچاسكەسىندە سۋ وتكىزۋ قابىلەتى ارتتى. قازىرگى ۋاقىتتا وبلىستا ماتەريالدىق-تەحنيكالىق جانە قارجى قاراجاتى، ججم، ازىق-تۇلىك، ينەرتتى ماتەريالدار جانە قاپشىقتار رەزەرۆى قالىپتاستىرىلۋدا. ەلدى مەكەندەردەن قار تازالاۋ جۇمىستارى جانداندىرىلدى. سۋ وتكىزگىش قۇبىرلارىن تازارتۋ، كانالدار مەن ترانشەيالاردى كەسۋ، سونداي-اق اۆتوماتتى تاسقىن سۋ توگىندىلەرىن تازارتۋ جۇمىستارى اقپان ايىندا باستالادى.
اقتوبە وبلىسىنىڭ حالقى مەن اۋماعىن سۋ تاسقىنىنان قورعاۋعا باعىتتالعان ءىس-شارالاردى ىسكە اسىرۋدى تجم توتەنشە جاعدايلاردى جويۋ دەپارتامەنتى باستىعىنىڭ ورىنباسارى اسىلان ۋاكيشيەۆ باعالادى. جەرگىلىكتى اتقارۋشى ورگانداردىڭ وكىلدەرىمەن ىرعىز، ويىل جانە قوبدا اۋداندارى قارالدى. 2025 جىلعى سۋ تاسقىنىنا دايىندىق ماقساتىندا ينجەنەرلىك جۇمىستار جوسپارىن ورىنداۋعا ەرەكشە نازار اۋدارىلدى. جوسپاردا سۋ تاسقىنىنا قارسى 104 ءىس-شارا ىسكە اسىرىلدى، 31 ءىس-شارا ىسكە اسىرۋ ساتىسىندا.
شىعىس قازاقستان وبلىسى تجد جانە «قازسەلدەنقورعاۋ» قىزمەتكەرلەرى «قازاۆياقۇتقارۋ» اق «مي-8» تىكۇشاعىندا سۋ تاسقىنى ءقاۋىپتى جانە كوشكىن ۋچاسكەلەرىنە مونيتورينگ جۇرگىزدى. ماماندار گلۋبوكوە اۋدانىنداعى وزەندەرىندە مۇز كەپتەلىستەرى مەن سەڭنىڭ ءجۇرۋىن تەكسەردى. اۋدان اۋماعىن تولىعىمەن قار باسقان. اەروۆيزۋالدى مونيتورينگ سۋ تاسقىنى جاعدايىنىڭ بولجامىن بارىنشا ءتيىمدى جاساۋعا مۇمكىندىك بەرەدى. قازىرگى ۋاقىتتا زەرتتەلگەن مارشرۋتتا مۇز كەپتەلىستەرى مەن سەڭنىڭ ءجۇرۋى بايقالمايدى. گلۋبوكوە اۋدانىندا تاۋلى ايماقتاعى قار جامىلعىسىنىڭ بيىكتىگى 60 سم. مۇندا 26 كوشكىن ءقاۋپى بار وشاق بار. جاقىندا قاۋىپسىزدىك ماقساتىندا «وسكەمەن-گورنايا - ۇلبى-سيەۆەرنوە» اۆتوجولىنىڭ ۋچاسكەسىندە كوشكىندەردىڭ پروفيلاكتيكالىق ءتۇسۋى ۋاقتىلى جۇرگىزىلدى، ناتيجەسىندە 2090 تەكشە مەتر قار ءتۇستى.
سولتۇستىك قازاقستان وبلىسىنىڭ حالقى مەن اۋماعىن سۋ تاسقىنىنان قورعاۋعا باعىتتالعان ءىس-شارالاردىڭ ىسكە اسىرىلۋىن تجم ورتكە قارسى قىزمەت كوميتەتى ءتوراعاسىنىڭ ورىنباسارى قانات دوسپايەۆ قارادى. جەرگىلىكتى اتقارۋشى ورگانداردىڭ، «قازسۋشار» جانە «قازگيدرومەت» رمم وكىلدەرىمەن بىرلەسىپ وبلىستىڭ قىزىلجار، شال اقىن، ع.مۇسىرەپوۆ، ەسىل اۋداندارى مەن پەتروپاۆل قالاسىن ارالاپ شىقتى. 2024-2025 جىلدارعا ارنالعان ينجەنەرلىك جۇمىستار جوسپارىن ىسكە اسىرۋعا باسا نازار اۋدارىلدى، ونىڭ شەڭبەرىندە سۋ تاسقىنىنا قارسى 90 ءىس-شارا ورىندالدى، 19 ءىس-شارا بويىنشا جۇمىستار جۇرگىزىلۋدە.
باتىس قازاقستان وبلىسىندا قورعانىس قۇرىلىستارىنىڭ جاي-كۇيىنە مونيتورينگ جۇرگىزىلدى. جايىق وزەنى سۋىنىڭ تاسۋ ءقاۋپى زەرتتەلدى. سۋ تاسقىنى قاۋىپسىزدىگىن قامتاماسىز ەتۋ ماقساتىندا تەرەكتى، اقجايىق، سونداي-اق بايتەرەك اۋداندارىندا جايىق وزەنىنىڭ بويىندا ورنالاسقان قورعانىس بوگەتتەرىنىڭ جاي-كۇيىنە تەكسەرۋ جۇرگىزىلدى. جۇمىستار 2024 جىلعى ينجەنەرلىك جۇمىستار جوسپارى شەڭبەرىندە ورىندالدى. زەرتتەۋ قورعانىس قۇرىلىستارىنىڭ جاي-كۇيىن تۇراقتى باقىلاۋدىڭ جانە ولاردى ءتيىستى جاعدايدا ۇستاۋدىڭ ماڭىزدىلىعىن اتاپ ءوتتى.
جالپى سۋ تاسقىنى كەزەڭىنە دايىندىق بويىنشا ءىس-شارالار جالعاسۋدا جانە تۇراقتى باقىلاۋدا.