بۇقتىرما سۋ قويماسى ارقىلى وتەتىن كوپىر 25 قازاندا اشىلادى.
ەكى جولاقتى كوپىردىڭ قۇرىلىسى 2021 جىلى باستالعان. ال قۇرىلىمدىق سىناقتار 2024 جىلدىڭ 14 قازانىندا اياقتالدى. كوپىردى تەكسەرۋ ءۇشىن 15 جۇك اۆتوكولىگىنەن تۇراتىن كولوننا پايدالانىلدى. ولاردىڭ جالپى سالماعى 450 تونناعا جەتكەن، دەپ حابارلايدى aqshamnews.kz.
بۇل قازاقستانداعى ەڭ ۇزىن كوپىر، ۇزىندىعى 1 316 مەتر، جانە ول ءوڭىر ءۇشىن ستراتەگيالىق ماڭىزعا يە.
كوپىر جارما، قاتون-قاراعاي، كۇرشىم، كوكپەكتى، زايسان جانە التاي اۋداندارىن ۇزدىكسىز كولىكپەن بايلانىستىرادى. بۇعان دەيىن سۋ قويماسىن كەسىپ ءوتۋ ءۇشىن پاروم پايدالانىلىپ كەلگەن. ال قىستا ادامدار مۇز بەتىمەن ءجۇرىپ وتەتىن.