«ال-ناسر» كومانداسىنىڭ شابۋىلشىسى كريشتيانۋ رونالدۋ ساۋد ارابياسىنىڭ پرو-ليگاسىنىڭ جەتىنشى تۋرىنداعى «ال-شاباب» كومانداسىنا قارسى ماچتا رەكوردتىق 907ء-شى گولىن سوقتى، دەپ حابارلايدى aqshamnews.kz.
رونالدۋ رەسمي ماچتاردا وسىنداي كوپ گول سوققان ءبىرىنشى فۋتبولشى اتاندى. ول «سپورتينگ» كومانداسىندا بەس گول، «مانچەستەر يۋنايتەد» ءۇشىن 145 گول، «رەال» مادريدتە 450 گول، «يۋۆەنتۋس» كلۋبىندا 101 گول، «ال-ناسر» كومانداسىندا 73 گول جانە ۇلتتىق قۇرامامەن 133 گول سوقتى.
بۇگىنگى تاڭدا رونالدۋ فۋتبول تاريحىنداعى ەڭ كوپ گول سوققان ويىنشى، سونداي-اق ۇلتتىق كوماندالار، ەۋروپا چەمپيوناتى، چەمپيوندار ليگاسى جانە كلۋبتىق چەمپيونات تاريحىنداعى ەڭ ۇزدىك بومباردير بولىپ تابىلادى.
ويىنشىنىڭ كلۋبپەن قازىرگى كونتراكتى كەلەسى جىلدىڭ جازىنا دەيىن جارامدى. ينتەرنەت-پورتال Transfermarkt-تىڭ مالىمەتى بويىنشا، 39 جاستاعى فۋتبولشىنىڭ نارىقتىق قۇنى 15 ميلليون ەۋروعا باعالانىپ وتىر.