قازاقستاننىڭ بۇرىنعى يندۋستريا ۆيسە-مينيسترى تيمۋر توكتابايەۆتان تاركىلەنگەن Mercedes-Benz Maybach كولىگى اۋكسيوندا ساتىلماي، پرەزيدەنت ءىس باسقارماسىنا بەرىلدى، دەپ حابارلايدى aqshamnews.kz.
العاشقى ەكى سۋرەتتە كورسەتىلگەن 2021 جىلعى Mercedes-Benz Maybach S580 كولىگى 79،8 ميلليون تەڭگەگە باعالانىپ، ساۋداعا شىعارىلعان بولاتىن. ءبىراق، ونى ساتۋ ورنىنا، مەملەكەتتىك مەكەمەلەردىڭ بالانسىنا بەرۋ تۋرالى شەشىم قابىلداندى. ناتيجەسىندە كولىككە ءبىر عانا ءوتىنىم ءتۇسىپ، ول پرەزيدەنت ءىس باسقارماسىنا بەرىلدى. بۇل تۋرالى «كۋرسيۆكە» ق ر قارجى مينيسترلىگىنىڭ مەملەكەتتىك مۇلىك جانە جەكەشەلەندىرۋ كوميتەتىندە حابارلادى.
توكتابايەۆتان تاركىلەنگەن ەكىنشى اۆتوكولىك - 2021 جىلعى Bentley Bentayga V8 - باستاپقىدا دا مەملەكەتتىك ورگاندارعا بەرىلمەك بولعان، ءبىراق وعان وتىنىمدەر تۇسپەگەندىكتەن، كولىك جەكە تۇلعاعا 54،7 ميلليون تەڭگەگە ساتىلدى. بۇل ونىڭ باستاپقى باعاسى 104،3 ميلليون تەڭگەدەن ەكى ەسە تومەن بولدى.