2024 جىلدىڭ ءبىرىنشى جارتىجىلدىعىندا جۇمىس بەرۋشىلەر 3 ملن 926،5 مىڭ جۇمىسكەردىڭ پايداسىنا 98،4 ملرد تەڭگە سوماسىنا مىندەتتى زەينەتاقى جارنالارىن اۋداردى.
بۇعان دەيىن حابارلانعانداي، 2024 جىلعى 1 قاڭتاردان باستاپ قازاقستاندا ءوز جۇمىسكەرلەرىنىڭ پايداسىنا ءوز قاراجاتى ەسەبىنەن جۇمىس بەرۋشىنىڭ مىندەتتى زەينەتاقى جارنالارىن كەزەڭ-كەزەڭىمەن، بيىل 1،5 %-دان 2028 جىلعا قاراي 5%-عا دەيىن ەنگىزۋ باستالدى، دەپ حابارلايدى aqshamnews.kz.
جۇمىس بەرۋشىلەردىڭ جمزج اۋدارۋى جۇمىسكەرلەردى قارتايعان شاعىندا ءومىر بويى قوسىمشا جيناقتاۋشى زەينەتاقى تولەمىمەن قامتاماسىز ەتۋگە مۇمكىندىك بەرەدى.
اتالعان شارا قازاقستاندىقتاردىڭ جاس ۇرپاعىن قولداۋعا باعىتتالعان، ولاردىڭ زەينەتاقى مولشەرى ولاردىڭ زەينەتاقى اۋدارىمدارىنا تىكەلەي بايلانىستى بولادى. ولاردىڭ زەينەتاقىسى ءۇش كومپونەنتتەن قۇرالادى: مەملەكەتتەن بازالىق زەينەتاقى، ءبىرىڭعاي جيناقتاۋشى زەينەتاقى قورىنداعى اۋدارىمدار ەسەبىنەن – جيناقتاۋشى جۇمىس بەرۋشىلەردىڭ جارنالارى ەسەبىنەن – زەينەتاقى جانە شارتتى-جيناقتاۋشى زەينەتاقى.
جمزج تولەۋدى جۇمىس بەرۋشىلەر 1975 جىلعى 1 قاڭتاردان كەيىن تۋىلعان ادامدار ءۇشىن عانا جۇزەگە اسىرادى.
ق ر سالىق كودەكسىنە سايكەس جمزج تولەۋ بويىنشا جۇمىس بەرۋشىنىڭ شىعىستارى سالىق سالىناتىن تابىستان شەگەرىمگە جاتقىزىلعانىن اتاپ ءوتۋ قاجەت. تيىسىنشە، جۇمىس بەرۋشىگە جۇكتەمە قولايلى دەڭگەيدە قالادى.