قوجا احمەت ياسساۋي اتىنداعى №123 مەكتەپ-گيمنازياسىندا 16-20 قىركۇيەك ارالىعىندا «ءتىلىم مەنىڭ – تىرلىگىمنىڭ ايعاعى!» اتتى اپتالىق ءىس-شارا وتكىزىلدى. بۇل ءىس-شاراعا 1-4 سىنىپ وقۋشىلارى، مەكتەپ كىتاپحاناشىلارى، ءپان مۇعالىمدەرى جانە سىنىپ جەتەكشىلەرى بەلسەنە قاتىستى.
اپتالىقتىڭ العاشقى كۇنى، 16 قىركۇيەكتە، ءىس-شارانىڭ اشىلۋى ەلەكتروندى تۇردە ءوتتى. ال 17 قىركۇيەك كۇنى 2-سىنىپ وقۋشىلارى اراسىندا «مەنىڭ سۇيىكتى كىتابىم» اتتى سايىس ۇيىمداستىرىلدى. بۇل سايىستا وقۋشىلار وزدەرىنىڭ وقىعان كىتاپتارىن قىزىقتى تۇردە تانىستىرىپ، دوستارىنا جارناما جاسادى. ناتيجەسىندە 2 «ا» سىنىپ وقۋشىسى ەركەجان ەركىمبنە 1-ورىن، 2 «ۆ» سىنىپ وقۋشىسى ونەرقان ەرالى 2-ورىن، 2 «گ» سىنىپ وقۋشىسى زيات قىزى رايانا 3-ورىن يەلەنىپ، ماقتاۋ قاعازدارىمەن ماراپاتتالدى.
18 قىركۇيەكتە 4 «ا» جانە 4 «ز» سىنىپتارىندا اشىق ساباقتار ءوتتى. سامال جاسار قىزى جەتەكشىلىك ەتەتىن 4 «ا» سىنىبىندا وقۋشىلارعا ءتىل مارتەبەسى مەن ۇلتتىق قۇندىلىقتار تۋرالى ءتۇسىندىرۋ جۇمىستارى جۇرگىزىلدى. ال بايتۋوۆا گۇلبايرا جەتەكشىلىك ەتەتىن 4 «ز» سىنىبىنا جاس ماماندار قاتىسىپ، ۇستازدىڭ تىڭ ادىستەرىمەن تانىستى.
19 قىركۇيەك كۇنى 3-سىنىپتار اراسىندا «جۇزدەن جۇيرىك» اتتى زياتكەرلىك سايىس وتكىزىلدى. ءۇش كەزەڭنەن تۇراتىن سايىس قورىتىندىسى بويىنشا 3 «د» سىنىپ وقۋشىسى كەڭەسباي كاۋسار 1-ورىن، 3 «ب» سىنىپ وقۋشىسى سارييەۆ اسلان 2-ورىن، 3 «ع» سىنىپ وقۋشىسى ازىمقۇل ياسينا 3-ورىن يەلەندى.
20 قىركۇيەكتە 4-سىنىپ وقۋشىلارى اراسىندا «وزگە ءتىلدىڭ ءبارىن ءبىل...» اتتى ينتەللەكتۋالدىق سايىس ءوتتى. بۇل سايىستا وقۋشىلار قازاق، ورىس جانە اعىلشىن تىلدەرىندە تاپسىرمالار ورىنداپ، ءۇش ءتىلدى مەڭگەرۋ دەڭگەيىن كورسەتتى. ناتيجەسىندە، 4 «ءا» سىنىپ وقۋشىسى بەيسەن اقەركە 1-ورىن، 4 «ە» سىنىپ وقۋشىسى رىسقوجا اسىلحان 2-ورىن، 4 «ب» سىنىپ وقۋشىسى رىسمەندى نۇرلان 3-ورىن الىپ، ماقتاۋ قاعازدارىمەن ماراپاتتالدى.
