اۋستراليانىڭ سيدنەي قالاسىندا Crown Sydney كازينوسىندا الاياقتىق جاسادى دەگەن كۇدىكپەن قازاقستاندىق ەرلى-زايىپتى ۇستالدى، - دەپ حابارلايدى Aqshamnews.kz.
پوليسيانىڭ مالىمەتىنشە، ولار جاسىرىن قۇرىلعىلاردى پايدالانىپ، شامامەن 1،18 ملن دوللار ۇتىپ العان. بۇل تۋرالى ۇلىبريتانيالىق The Guardian باسىلىمىنىڭ حابارلاعان.
قاۋىپسىزدىك قىزمەتى كۇدىككە ىلىككەندەردى ايەل ادامنىڭ جەيدەسىنەن ميني-كامەرا بايقالعاننان كەيىن اشكەرەلەگەن. سونىمەن قاتار، ولاردىڭ سومكەلەرىنەن جاسىرىن تۇسىرىلىمگە ارنالعان ارنايى قوندىرعىلارى بار تەلەفوندار، ماگنيت زوندتار جانە باسقا دا قۇرىلعىلار تابىلعان.
تەرگەۋ بولجامى بويىنشا، ەرلى-زايىپتى كارتا ۇستەلىن جاسىرىن كامەرامەن ءتۇسىرىپ، اقپاراتتى قۇپيا قۇلاققاپ ارقىلى الىپ وتىرعان.
سوت شەشىمىمەن ولار قاماۋدا قالدى. ەر ادامعا قاتىستى ءىس 11 جەلتوقساندا، ال ايەلىنىڭ تىڭدالىمى اقپاندا بەلگىلەنگەن.