قازاقستاندىق جىبەك قۇلامبايەۆا جۇپتىق سىندا الماتى ITF W25 ءتۋرنيرىنىڭ جەڭىمپازى اتاندى، دەپ حابارلايدى Almaty-akshamy.kz Inform.kz-كە سىلتەمە جاساپ.
قازاقستاندىق تەننيسشى رەسەيلىك ەكاتەرينا ياشينامەن بىرگە وسى جارىستىڭ 2-راكەتكالارى بولىپ تىركەلگەن ەدى. ولار فينالدا دودانىڭ 1-راكەتكالارى، رەسەيلىكتەر امينا انشبا - سوفيا لانسەرەمەن باس جۇلدەنى ساراپقا سالدى. فينالعا ساي تارتىستى وتكەن باسەكەدە قازاقستاندىق-رەسەيلىك جۇپ 7:6 (7:4)، 5:7، 10:8 ەسەبىمەن جەڭىسكە جەتتى. وسىلايشا، ج. قۇلامبايەۆا جۇپتىق سىندا ءوزىنىڭ سپورتتىق جولىنداعى 18-تيتۋلىنا قول جەتكىزدى.
جىبەكتىڭ الماتى جارىسىنىڭ ءابسوليۋتتى چەمپيونى اتاناتىنداي مۇمكىندىگى بار. ول ەرتەڭ جەكەلەي سىندا دا فينالدىق ماچىن وتكىزەدى.