پرەزيدەنت قاسىم-جومارت توقايەۆ پرەمەر-مينيستر ءاليحان سمايىلوۆ، توتەنشە جاعدايلار ءمينيسترى يۋريي يلين جانە قوستاناي وبلىسىنىڭ اكىمى ارحيمەد مۇحامبەتوۆتىڭ ءورت ايماعىنداعى جەدەل جاعداي تۋرالى ەسەبىن تىڭدادى، دەپ حابارلايدى Almaty-akshamy.kz Almaty.tv-گە سىلتەمە جاساپ.
بارلىق مەملەكەتتىك ورگاننىڭ جۇمىسىن پرەزيدەنت اكىمشىلىگىنىڭ باسشىسى مۇرات نۇرتىلەۋ مەن پرەزيدەنتتىڭ كومەكشىسى - قاۋىپسىزدىك كەڭەسىنىڭ حاتشىسى عيزات نۇرداۋلەتوۆ ۇيلەستىرەدى. ولار مەملەكەت باسشىسىنا ءورتتى اۋىزدىقتاۋ جانە ەلدى مەكەندەردەن ازاماتتاردى ەۆاكۋاسيالاۋ بويىنشا قابىلدانعان شارالار تۋرالى جەدەل بايانداپ وتىر.
پرەزيدەنت ازاماتتاردىڭ قاۋىپسىزدىگىن قامتاماسىز ەتۋ مەن ءورتتى ءسوندىرۋ شارالارىنا باسىمدىق بەرۋدى تاپسىردى. سونداي-اق ۇكىمەتكە توتەنشە جاعدايدىڭ سالدارىن جويۋ ءۇشىن قاجەتتى قاراجات ءبولۋ تۋرالى تاپسىرما بەرىلدى.
ورتكە قاتىستى تەك سەنىمدى دەرەكتەرگە عانا سۇيەنۋىڭىزدى سۇرايمىز!
تجم جەدەل جەلىنى ىسكە قوستى.
8 717 2 53 32 84، 8 714 2 50 36 24.
زارداپ شەككەندەرمەن پسيحولوگتار جۇمىس ىستەپ جاتىر. كومەككە مۇقتاج جاندار بولسا 112 جانە 101 تەلەفوندارىنا حابارلاسسا بولادى.