مەملەكەت باسشىسىنىڭ وسى جولعى جولداۋى ەكونوميكالىق ماسەلەلەردى كوتەرەتىنى بەلگىلى ەدى. سەبەبى ەكونوميكا شۇعىل كىرىسىپ، قولعا الۋدى تالاپ ەتەدى. وسىنىڭ بارلىعى مۇناي ماسەلەسىمەن تىعىز بايلانىستى ەكەنىن العا تارتقان ق ر ۇعا پرەزيدەنتى، اكادەميك مۇرات جۇرىنوۆ مەملەكەتتىڭ نەگىزگى تابىس كوزى دە مۇناي ەكەنىن باسا اتاپ ءوتتى.
"الپىس ميلليون توننا مۇنايدى كتك ارقىلى سىرتقا شىعارىپ ساتاتىنبىز. ءقازىر مۇنى توقتاتساق، ءبىزدىڭ بارلىق مۇمكىندىگىمىز ون ميلليونعا جەتەر-جەتپەس بولادى" دەپ اكادەميك دابىل قاعۋ كەرەگىن ايتتى.
اكادەميكتىڭ پىكىرىنشە، قازاقستاننان بيۋدجەت قورىنا نە تۇسەدى، قايدان تۇسەتىنىن ەسەپتەپ، ۇنەمدەۋ قاجەت. ويتكەنى حالىقارالىق جاعداي وسىنى تالاپ ەتەدى. بۇعان قوسا ول رەسەيدەگى سانكسيانى، ۋكرايناداعى سوعىستى ەسكەرىپ، جۇمىسسىزدىقتى بولدىرماۋ، جەمقورلىقتى جويۋ جانە ەلگە قىزمەت بەرۋ دەگەن ءۇش باعىت بويىنشا جۇمىستى جالعاستىرۋ كەرەگىنە ءمان بەردى.
ءال فارابي اتىنداعى قازۇۋ جۋرناليستيكا فاكۋلتەتىنىڭ دەكانى سانسىزباي ءمادي اگرارلى ەل ەكەنىمىزدى العا تارتىپ، پايدالانىلماي جاتقان جەر تاعدىرى تۋرالى ءوز ويىن ءبولىستى.
"باي مەن كەدەي اراسىنداعى تارتىستار وسى جەر ماسەلەسىنە قاتىستى تۋىنداپ وتىر. مەملەكەت باسشىسى بۇل ماسەلەنى دەر كەزىندە، حالىققا كەرەك كەزىندە قوزعاعانىنا ءتانتى بولدىم" دەدى س.مادييەۆ.