تەرگەۋ جۇرگىزىلۋدە.
قاراعاندى وبلىستىق پوليسيا دەپارتامەنتى ەسىرتكىگە قارسى ءىس-قيمىل باسقارماسىنىڭ قىزمەتكەرلەرىمەن تەمىرتاۋ قالاسىندا جۇرگىزىلگەن كەشەندى جەدەل-ىزدەستىرۋ ءىس-شارالارى بارىسىندا 22 جاستاعى ازاماتشا ۇستالدى، دەپ حابارلايدى Almaty-akshamy.kz قاراعاندى وبلىسىنىڭ پد باسپا ءسوز قىزمەتىنە سىلتەمە جاساپ.
تەكسەرىس بارىسىندا پوليسيا قىزمەتكەرلەرى ودان ەرەكشە ءيىستى، ۇنتاق ءتارىزدى 300 ورام زات تاركىلەدى.
«جۇرگىزىلگەن ساراپتاما ناتيجەسىنە سايكەس، تاركىلەنگەن زات جالپى سالماعى 387 گر. ەكى تۇردەگى سينتەتيكالىق ەسىرتكى زات ەكەنى انىقتالدى. ۇستالعان ازاماتشادان جاۋاپ الۋ بارىسىندا كۇدىكتى تاركىلەنگەن زاتتاردى ينتەرنەت-دۇكەننەن الىپ، ەكى اي بويى ساتىپ جۇرگەندىگى تۋرالى مويىنداۋ كورسەتپە بەلگىلەرىن بەردى. اتالعان دەرەك بويىنشا تەرگەۋ امالدارى جۇرگىزىلۋدە. كۇدىكتى ازاماتشا ۋاقىتشا ۇستاۋ يزولياتورىنا قامالدى»،-دەدى قاراعاندى وبلىستىق پوليسيا دەپارتامەنتى باستىعىنىڭ ورىنباسارى ءابىل ءابىلدين.